RBTea (Moved) New Location

金百利多餐廳就係人都知，貪佢地點方便，每次諗唔到食咩既時候都會去樓下拎傳單睇下。上到去發覺間餐廳都幾大，每張枱唔會話好近，仲有千秋玩，感覺幾chill。朋友遲到，唯有自己研究下有咩食先，發覺原來下午茶買正價飲品1杯, 可以半價買指定食品1份, 有大約10款到，睇落都幾吸引。小食拼盤小食拼盤都幾豐富，有炸雞、薯角、香腸同沙律，炸雞炸得最好，裏面肉質仲係好嫩滑。焗忌廉汁肉醬螺螄粉肉醬份量好多，味道比較岩重口味既朋友 焗芝士白汁煙三文魚飯超多芝士好正，三文魚煙熏味好香，食落算新鮮焦蕉朱古力雪糕鬆餅全晚最驚喜既一道菜，鬆餅咬落好綿密，外面又有少少脆脆地，加埋濃濃既朱古力醬食落真係一流，成個甜品好邪惡。OREO朱古力冰雪樂味道偏甜，但朱古力味都算濃郁總括而言，食物還可以，甜品最好，但上菜速度好快，快到根本食唔切就已經上曬。