法國小屋

Open Now

Now Closed

夜晚去左一間位置幾隱蔽既小店食飯，呢間店其實開左好多年，最出名系甜品，不過搬左鋪，位置太隱蔽，最近先重新發現。2人套餐 $368套餐都多野食，前菜有田園沙律、瑞士汁雞翼、千層芝士薯片，主菜以意粉為主，吾同意粉，價錢有不同。最後仲有甜品同飲品，價錢都算ok。田園沙律一碗2人份量，有麵包碎粒、沙律菜、蕃茄等，以沙律醬拌菜。飲品可以免費揀凍/熱檸茶檸水或柚子蜜。瑞士汁雞翼有4隻，幾入味，而且肉夠滑。千層芝士薯片系餐廳招牌菜之一，將薯仔切成一片片，再鋪成一層層，每層夾雜住芝士、忌廉，焗出黎好香好creamy。明太子蟹肉意粉同樣一碟2人份量，望落去勁大碟。明太子醬汁落得幾重手。最後系甜品，招牌咸牛油焦糖窩夫，貌相非常大份同靚。窩夫夠脆口，咸牛油配忌廉出奇地夾，如果牛油味再重啲就更正。