Sweetology (Closed)

次次去九龍塘都係食啲出名嘅連鎖餐廳，因為普遍商場入面都係得嗰啲選擇，行行下先發現係戲院嗰層有呢一個新餐廳，就咁睇過名以為得甜品食，原來都有啲熱食嘅，所以就決定試一試呢到嘅裝潢以白色為主，仲用上雲石枱，感覺比較似係一間文青嘅Café，同又一城內其他嘅餐廳做成強烈嘅對比由於未食晚餐，所以係食甜品之前，我地叫咗個班尼迪蛋早餐，原本都唔係有太大嘅期望，不過反而有驚喜！半熟蛋煮得啱啱好，無過熟，再係表面淋上秘製荷蘭醬，連埋英式鬆餅同蜜糖煙肉一齊食，感覺幾好。食英式鬆餅可能會有啲膩嘅感覺，好彩伴碟有好生菜同水果，其中菠蘿更加煎香過，酸味減少，令果肉更加甜，感覺好清新呢個早餐跟隨一杯飲品，我就要咗凍嘅蜜桃紅茶，蜜桃味都幾特出，但係略厭偏甜，可能會有愈飲愈口渴嘅情況食完正餐，就緊係要向住甜品進發啦，首先上枱嘅就係伯爵茶木糠布甸，造型好可愛啊，而且顏色主要以淺色系為主，好啱呢間餐廳嘅風格。忌廉同煉奶嘅混合，整成好似軟滑嘅慕絲咁，而且凝固得幾實，唔會好容易就散開，仲有消化餅碎增加口感，成個甜品都有淡淡嘅伯爵紅茶香，真係幾特別嘅葡式甜品另外一款甜品就係宇治金時抹茶可麗餅，果然圖片係只供參考，原本以為造型會同