糖黐豆 (Closed)

一間有炒粉麵飯，廣東、日本、西式野食既甜品屋，不過都係嗰句，都係齋賣甜品罷啦 ~ 對上一次已經係兩年前幫襯喇，連食咩都唔記得咯，只記得叫左個飯、有碟菜同飲左碗糖水，唔多滿意同好普通囉。睇吓今次舊地重遊又會點先 ~ 係街市食完飯，差不多兩點，大烳又無 cafe，酒吧又無咁早開，無地方坐，咁是但行入糖黐豆啦 ~珍珠香芒豆腐花，食完都係唔知啲珍珠係咩野黎，口感爽脆脆，咬落索索聲，似海底野，唔似西米，但到依家都唔知係咩。此甜品較清淡，好啱我，本人唔多好甜味的呢。香芒都新鮮清香，豆腐花大路，無咩特別。紅豆珍珠，味道較濃較甜，紅豆好味，珍珠嚥嚥靭靭，幾得意既。