冰雪公主 (Closed)

今日同朋友行街，見到新開張嘅甜品舖，舖面幾靚，都有好多款蛋糕選擇，就入去坐下傾下計～ 一入去餐廳環境幾寬敞，優雅，幾岩傾下偈，飲杯野～ 嗌左杯海洋檸檬梳打同士多啤梨蛋糕海洋檸檬梳打一上枱個樣已經好吸引，如其名，海洋般嘅色調，好靚～  飲落去係檸檬梳打，檸檬新鮮切片，好重檸檬香加上海洋藍，令人心曠神怡  好夏日feel~ >v<士多啤梨蛋糕原粒士多啤梨，同藍莓舖面～擺得好有心思，加上，朱古力片圍邊，令到外觀更吸引～ 士多啤梨好大粒，好甜，藍莓士多啤梨都好新鮮，cream幼滑，朱古力海綿蛋糕夾著粒粒士多啤梨果肉，果肉酸甜配上蛋糕朱古力味香濃，同cream嘅幼滑，整體黎講，唔會太甜，甜味層次豐富，果肉口感強，鍾意食甜品嘅一定要試～ 值得推介！