Miss Pisces Creations

Open Now

Now Closed

📍尖沙咀 Miss Pisces Creation 📍次次行過都會想入去呢一間甜品店試吓，今日終於的起心肝去試！特登留肚食邪惡嘅美味😆😆😆😆！💕香滑伯爵茶奶茶 $40全手工飲品😳，新鮮、保留到最原始嘅茶香。口感香滑，伯爵茶濃郁🥹，作為奶茶控，很滿意呢🥹🥰！💕開心果流心麻糬牛油鬆餅🍪 $45近年流開心果甜品，我個人都好喜歡，因為本身唔太鍾意好甜嘅嘢，而開心果嘅甜品，唔會太甜，仲會多咗一種果仁香味。呢一個流心麻糬鬆餅幾有鬆餅嘅口感，亦都有麻糬嘅煙靭，口感層次豐富。加上唔會太甜，突顯到開心果嘅果仁香，推薦！💕焦糖朱古力肉桂卷 🍥$45呢個肉桂卷好有誠意😳，湯種麵團低溫發酵，保留到淡淡麵香，口感煙韌，仲用咗法國朱古力醬，香滑濃郁😋😋😋！而且唔會太甜，恰度好處😀！相信熱食會仲好食！💕威士忌提拉米蘇巴斯克蛋糕 🍰 $50第一次食提拉米蘇同巴斯克蛋糕嘅混合，好特別，好有創意！本身對於兩者我都好鍾意食，估唔到咁樣夾埋一齊都好夾！咖啡同埋威士忌嘅味道相得益彰，再加上香滑嘅巴斯克芝士蛋糕，清香嘅雲呢拿籽，呢個味道令人深刻同留戀🥲。店舖入邊有兩張小桌子，可以比客人即刻食。環境好悉心裝飾，優雅而簡約，好舒服。