Video
Read full review
2024-06-23
91 views
又喺荃灣覓食，天氣有啲熱，食返啲泰國嘢消暑。座位都幾寬敞，仲有好似屋仔咁樣嘅設計。餐廳用QR code點單，一嚟到乜嘢都唔好做住嗌杯飲品先，嗌咗一杯生椰楊枝甘露。之後就開始再嗌食物分別嗌咗個曼谷蟹肉蟹黃炒飯，椰子香茅奶油蜆湯，手打月亮炸蝦餅，再加多隻烤珍寶手臂大頭蝦。 食物好快就到， 先嚟係個湯，見到個湯都夠兩個人飲，仲有好多蜆肉添，蜆肉唔會話乾柴柴， 飲落去酸酸地，但亦都有椰子嘅味道，飲完之後覺得好醒神好清爽。 飲落去唔會話有冬蔭功咁辣咁刺激，但會有開咗胃口嘅感覺。上菜嘅時候佢會幫我哋用酒精燃燒嘅爐仔去保持溫度，等佢唔會變凍。而真係熱到係會令到個湯繼續冒煙，甚至會起泡泡，當覺得已經好夠熱嘅時候，仲可以用個煲嘅小機關去熄咗啲火，就唔使特登叫啲店員幫手。之後就係炸蝦餅， 炸蝦餅又係熱辣辣，所以唔好咁快就食，炸蝦餅會配上泰式酸辣醬，令到食落去唔會覺得好油膩，咬落去十分之彈牙，唔會話食落去好粉。佢炸嘅火喉骰盅所以食落去唔會話係咁滲返啲油出嚟。除蝦餅附送一啲蝦片，蝦片亦都係非常之脆卜卜，咬落去會有sok sok聲。之後就係大頭蝦，見到佢同餐單一樣好大隻，蝦肉都好夠雪白，咬落去都好實淨，燒熟嘅程
之後就開始再嗌食物分別嗌咗個曼谷蟹肉蟹黃炒飯，椰子香茅奶油蜆湯，手打月亮炸蝦餅，再加多隻烤珍寶手臂大頭蝦。 食物好快就到， 先嚟係個湯，見到個湯都夠兩個人飲，仲有好多蜆肉添，蜆肉唔會話乾柴柴， 飲落去酸酸地，但亦都有椰子嘅味道，飲完之後覺得好醒神好清爽。 飲落去唔會話有冬蔭功咁辣咁刺激，但會有開咗胃口嘅感覺。上菜嘅時候佢會幫我哋用酒精燃燒嘅爐仔去保持溫度，等佢唔會變凍。而真係熱到係會令到個湯繼續冒煙，甚至會起泡泡，當覺得已經好夠熱嘅時候，仲可以用個煲嘅小機關去熄咗啲火，就唔使特登叫啲店員幫手。
之後就係炸蝦餅， 炸蝦餅又係熱辣辣，所以唔好咁快就食，炸蝦餅會配上泰式酸辣醬，令到食落去唔會覺得好油膩，咬落去十分之彈牙，唔會話食落去好粉。佢炸嘅火喉骰盅所以食落去唔會話係咁滲返啲油出嚟。除蝦餅附送一啲蝦片，蝦片亦都係非常之脆卜卜，咬落去會有sok sok聲。
之後就係大頭蝦，見到佢同餐單一樣好大隻，蝦肉都好夠雪白，咬落去都好實淨，燒熟嘅程度啱啱好唔會話燒到過熟， 用差一劃已經可以成嚿蝦肉拎出嚟，食呢個蝦有三個方法，第一個係淨係食呢個蝦肉，第二就可以點佢隔離綠色嘅醬汁，入面相信應該有啲泰式嘢料理例如金不換，食落去都好清新， 可以清新味蕾。而另一種就係點佢嘅蝦頭嘅膏，食落去蝦膏嘅甘香同蝦肉連埋一齊好夾。就咁食蝦膏亦都見到佢金黃色，仲有軟滑嘅口感，而且唔會話食淨嘅蝦膏就仲有第二種用法添就係用嚟撈炒飯食。
炒飯方面都非常之大兜，唔會好似餐單上面咁的骰。除咗有蟹籽之外，亦都有蟹肉喺度，撈埋嚟食可以增強口感。炒飯都好有鑊氣唔會話啲飯黐埋，而蟹肉亦都食得到佢一梳梳嘅口感，唔會話覺得蟹肉好削好梅。 就咁食已經可以食到蟹肉嘅香味，撈埋蝦膏食就能夠更加令到個炒飯更加香，更加有嗰種油嘅甘香，撈埋嚟成日都唔會話變得更加膩。
飲品方面我覺得係好有驚喜，佢嘅楊枝甘露唔會話好似出面甜品舖嘅死甜，反而係有一種微甜，令到你唔會話越飲越口渴，而椰奶同芒果都好夾，楊枝甘露好足料，芒果亦夠甜，唔會酸。飲落去夠曬凍，透心涼！
最後就嗌埋一個甜品，分別係手作黑糖珍珠雪米糍同芒果糯米飯雪糕，朋友同樣覺得芒果唔會酸然糯米嘅份量亦都足夠，雪糕亦都有兩球所以好夠飽。好似返咗去泰國食芒果糯米飯咁樣。而雪米糍佢就係雪糕上面鋪一塊糯米皮，隔離有黑糖珍珠之外仲有麻薯。麻薯同糯米皮食落去煙煙靭韌，但係一咬就會即刻斷，唔會話咬到牙痛都未咬完。珍珠煙煙韌韌，而黑糖醬嘅份量好適中，可以撈曬成個雪糕之餘，唔會話令到成個雪糕太甜。我哋都一至認定雪糕嘅質素都好高。下次嚟一定會再食下佢其他甜品。
Post
