君蘭餅店 (Closed)

夜晚食完飯，總係好想食下甜品。所以睇吓手機，有冇外賣送餐，而咁岩得咁橋外賣送餐有半價推廣優惠，左揀右揀之下，決定用係君蘭餅店。首先落單要求要過$100，先有得進行減免。我就毫不猶豫揀咗個巴斯克焦糖芝士蛋糕（呢排興），然後就叫多咗三件西餅。西餅質素中規中矩，但覺得可以品評一下花心籃，6蚊一件手工蛋糕，真係超值。蛋糕嘅心形做得好靚，而且分咗三層口感，幾層味道，不錯，只係嫌個西餅未夠鬆軟，可能放雪櫃放得耐，有小小硬硬的。至於個焦糖芝士蛋糕就真係非常有驚喜，首先價錢唔貴，餅面亦都做到焦黑但係冇苦澀味，蛋糕相對結實，絕對冇偷工減料！我建議大家可以放喺室溫半小時後享用，餅內口感會更軟綿綿，亦都可以放入焗爐烤一烤，改為暖食！埋單都只係50幾蚊，呢幾個飯後甜品真係相當滿意！