Piccolo Pizzeria & Bar (Closed)

和朋友慶祝生日，她選擇了這兒，話之前試過幾好食。但到達後，看了餐牌，先知擺咗個烏龍😣。心目中原來不是這間餐廳，不過已經就坐，所以照食😅。我們點了兩個三道菜式lunch set, 包括前菜、主食和甜品，其中一個主食加$40轉pork ribs，另外一個就揀咗ham & mushroom pizza. 老實講，因為隔咗好耐先寫這個食評，我都忘記了餐湯是什麼了😅。只記得味道一般，沒有深刻印象，不過不失。 酸包都沒有特別記憶。這個Pizza都中規中矩，皮夠脆和薄。這個加了錢的pork ribs, 都沒有什麼特別。去到呢度，已經沒有特別期待，反而驚喜就在面前！跟餐的甜品分量比想像中大。有個搞笑點，就係侍應將成兜蛋糕攞出嚟，喺我哋面前到「不」，因為要小心唔好整爛件蛋糕，佢struggle 咗一陣，我哋諗，點解唔係廚房預先「不」好，然後先至攞過嚟俾我哋？好過一隻手攞住個tray蛋糕，一隻手小心唔好整爛每件portion😅。 Anyway, 諗住食埋件蛋糕就走，點知第一啖已經覺得好不一樣，濕潤度及酒量啱啱好，超好食！是今生的亮點。這裏環境都舒服的，不過當日侍應非常之忙，好難叫到人嚟😣。