金田日本料理 (Closed)

上星期二同女朋友夜晚去金田食野,因為之前食左飯,無理由又食放題呀~不過佢地有散叫,而且有甜品食! 行條樓梯...好長囉...而且落左陣雨都覺得好焗好熱...上到去都唔係好多人,坐底一陣,冷氣又太凍喇,不過個仕應姐姐好快就幫我地較返熱D...睇到佢地甜品都好吸引~之後叫左個栗子班戟同個意大利芝士餅好正!好好味!!班戟皮唔會好似出面D咁脆,又唔會過甜~入面D栗子都幾好食,不過栗子味唔係咁夠濃郁~Tiramisu都好好食，不過份量少左Ｄ，我女朋友超鍾意食囉…呢度個味剛剛好，又唔會太甜同太濃既咖啡味，而且佢伴碟個Ｄ汁有好香既baileys酒味！估唔到日本料理入面會食到咁有水準既甜品，都算有驚喜喇～！不過佢如果有架升降機會好好多...