王家沙 (Closed)

今晚我們去咗旺角新世紀廣場嘅「王家沙」食晚飯！我們叫咗瑤柱賽螃蟹、韭黃炒鱔糊、鮮菜肉包、京蔥爆羊肉「配薄餅」、家鄉炒年糕、菠蘿咕嚕肉、上海粗炒、咸肉津白、龍井茶皇BB鴿、高力豆沙球、豆沙窩餅同桂花酒釀珍珠丸子！瑤柱賽螃蟹嘅蛋白都算嫩滑，但味道比較淡！韭黃炒鱔糊，鱔嘅肉質好嫩滑彈牙，醬汁相當惹味，可惜份量就比較少！鮮菜肉包嘅包質都幾鬆軟！家鄉炒年糕嘅年糕都幾煙韌彈牙！上海粗炒嘅麵質都幾爽口，醬汁嘅味道好濃郁！咸肉津白嘅味道比較清淡，津白亦腍咗少少！龍井茶皇BB鴿嘅皮唔算太脆，肉質都算嫩滑！高力豆沙球係即叫即做，外脆內軟，口感好軟綿綿，豆沙亦好香甜！係本人嘅必食推介！豆沙窩餅嘅外層好香脆，唔會好油膩，豆沙亦好香甜軟滑！桂花酒釀珍珠丸子嘅珍珠丸子好煙韌彈牙！