ATUM Desserant (Closed)

想黎呢間餐廳試佢個甜品畫好耐啦! 但之前一直都冇機會, 琴日終於可以同我既朋友黎呢度嘆番個舒適既下午茶。我地揀左"Improvisation", 呢個就係甜品畫。首先，佢地會供應2杯士多啤梨汁, 佢係用test tube裝住，果汁甜甜地，幾清新。跟住個師傅就會俾我地揀要黑 、白或灰色做甜品畫既底版。我地就揀左黑色，因為黑色做底應該會令幅畫更明顯同突出。師傅喺黑色版上一邊畫畫, 一邊同我地傾計, 有互動，成個氣氛都好唔同，仲俾我地試下畫上去，好正~師傅整雪糕時，雪糕碗不斷冒白煙, 充滿著神秘感。甜品畫上有柑桔味啫喱、朱古力脆片、大樹菠蘿乾、蕨餅、紅豆糕、2款唔同味道既雪糕等等。好鐘意甜品既presentation。食完甜品，仲有一杯飲品可以揀。我揀左signature fruit tea, fruit tea 飲落有花香，旁邊仲會附上一小杯蜜糖以增添飲品既甜度。