Non Kitchen

Open Now

Now Closed

事隔差唔多一年又黎返呢間餐廳食lunch，計計下都第三次黎呢到啦！餐廳位置唔太顯眼，但位置好闊落，坐得好舒服。餐廳有個沙律bar，款式都幾多選擇，而且沙律菜都好新鮮！疫情期間好注重衛生，每款菜都會有蓋襟住。個羅宋齋湯酸中帶微辣，好開胃！菜單款式每過一排就會轉下，呢個價錢已經包埋沙律bar既費用墨魚仔意式燴飯（$118）襯埋啲蕃茄仔酸酸甜甜地好開胃，正好解到risotto 既膩，飯唔會煮到好硬，墨魚仔都清理得好好！蕃茄汁海蝦燴墨魚汁意粉 （$118）首先個意粉唔會食到食個口黑色，蕃茄汁加埋蒜好香，意粉都唔會好軟身！另外蝦好爽脆，冇overcook同埋幾大隻！炭燒紐西蘭西蘭牛扒 （$168）叫左7成熟既牛扒，可能係個位太多筋，有啲硬同難切，但味道好夠，底左加啲薯菜。賣相煎得幾靚，淋埋個汁都幾入味！意大利餅 （+$48）之後加多48蚊就叫多個甜品，份量相對黎講幾大，而且好食！唔會好甜，中間層cream好滑好香，加埋上面層可可粉，真係好好食！因為有沙律bar供應，餐廳主菜既份量唔算大。味道不錯，環境又闊落，3次黎食都冇令我失望。不得不讚，個甜品真係好好食！