Ocio (Closed)

由於今日太晏食lunch未好肚餓，所以夜晚就去咗Ocio食甜品當正餐算，甜品款式以窩夫同梳乎厘為主，原來佢地晚餐menu都有好多款西餐選擇，留待下次吧-蜜瓜雪山梳乎厘班戟($98)賣相靚到不得了，啱晒女仔打卡影相，半個蜜瓜鋪上近期大熱嘅梳乎厘班戟，仲有雲喱拿雪糕同蜜糖星星，梳乎厘班戟好鬆軟，又有蛋香，口感綿滑，蜜瓜都好鮮甜，十分推薦抹茶心太軟($68)即叫即整，所以要等大約15分鐘，外層蛋糕都幾鬆化，抹茶流心嘅流漿度都好好，入口好香濃幼滑，味道又唔會太甜，配埋冰凍嘅抹茶雪糕同cream，一冷一熱，雙重口感好豐富呀