Video
Read full review
2022-11-19
77 views
喺西環探完朋友，想喺附近搵個地方食碗糖水 Sweet 下。經由友人指引，嚟左爹核士街呢間「賢記甜品世家」。聽朋友講，店鋪除左主打中式傳統糖水外，亦有唔少新派甜品供應，例如特濃抹茶雪山冰冰、芒芒天空、水晶宮等，淨係聽個名都覺得吸引。樣樣都想試，一於點多幾款齊齊開心 Share。先嘗腐竹薏米蓮子雞蛋糖水 ($33) 呢度嘅腐竹糖水唔係煲到完全溶化嗰種，吃時仲可食到滑溜嘅腐竹，正。薏米煮得腍而糯口，蓮子非常鬆化，雞蛋大大隻，蛋黃粉綿，食完感覺好滋潤。陳皮百合紅豆沙 ($25) 用料亦非常慷慨，舀起見到粒粒圓潤飽滿嘅紅豆，吃起嚟既綿密又唔鬆散，加上甜度適中，入口更帶陣陣陳皮香，絕對係心機之作。另外仲點左芋圓喳咋 ($35)、薑汁芝麻餡湯丸 同 芒芒天空。喳咋好足料，有三角豆、眉豆、紅豆和紅腰豆等，入口唔會水汪汪。芋圓新鮮，煙韌軟糯，食落有芋頭香。番薯圓同紫薯圓質素亦甚佳，食到原味。薑汁芝麻餡湯丸 ($26) 湯丸水準唔錯，外皮厚薄適中，煙韌彈牙，咬開入面嘅流沙芝麻便即時湧出，非常澎湃，加上薑汁味夠重，但又唔會太辣，好啱我倆口味。另外呢款芒芒天空 ($45) 亦非常值得推介，唔單止賣相靚
喺西環探完朋友，想喺附近搵個地方食碗糖水 Sweet 下。經由友人指引，嚟左爹核士街呢間「賢記甜品世家」。
聽朋友講，店鋪除左主打中式傳統糖水外，亦有唔少新派甜品供應，例如特濃抹茶雪山冰冰、芒芒天空、水晶宮等，淨係聽個名都覺得吸引。
樣樣都想試，一於點多幾款齊齊開心 Share。
先嘗腐竹薏米蓮子雞蛋糖水 ($33) 呢度嘅腐竹糖水唔係煲到完全溶化嗰種，吃時仲可食到滑溜嘅腐竹，正。薏米煮得腍而糯口，蓮子非常鬆化，雞蛋大大隻，蛋黃粉綿，食完感覺好滋潤。
陳皮百合紅豆沙 ($25) 用料亦非常慷慨，舀起見到粒粒圓潤飽滿嘅紅豆，吃起嚟既綿密又唔鬆散，加上甜度適中，入口更帶陣陣陳皮香，絕對係心機之作。
另外仲點左芋圓喳咋 ($35)、薑汁芝麻餡湯丸 同 芒芒天空。
喳咋好足料，有三角豆、眉豆、紅豆和紅腰豆等，入口唔會水汪汪。芋圓新鮮，煙韌軟糯，食落有芋頭香。番薯圓同紫薯圓質素亦甚佳，食到原味。
薑汁芝麻餡湯丸 ($26) 湯丸水準唔錯，外皮厚薄適中，煙韌彈牙，咬開入面嘅流沙芝麻便即時湧出，非常澎湃，加上薑汁味夠重，但又唔會太辣，好啱我倆口味。
另外呢款芒芒天空 ($45) 亦非常值得推介，唔單止賣相靚，而且用料十足，以楊枝甘露做底，再配上愛玉、芒果、水晶和小丸子。
愛玉含豐富酵素和果膠，可美顏。芒果甜美多汁、水晶質感爽脆、小丸子煙韌有咬口，配上甜香細緻嘅楊枝甘露，超美味，幸福感滿滿 ！
意猶未盡，決定加多碗桑寄生蓮子紅棗蛋茶 ($33)，蓮子很腍，而且已去芯。雞蛋煮到入晒味，桑寄生茶味道亦非常正，入口甘甘甜甜，飲完好舒服。
Post
