甘の季節

Open Now

Now Closed

昨天去左天水圍公園賞櫻🌸，河津櫻🌸同染井吉野櫻🌸盛開中。影完相就行去嘉湖商埸食糖水😋🍓士多啤梨綿綿冰🍧綿綿冰口感輕盈，配上🍓粒，清新香甜，Oreo餅碎點綴，增加層次感。🫘紅豆西米芒果雪糕涼粉一碗有齊幾樣元素，仙草涼粉粒滑溜，紅豆🫘煮得淋，芒果粒🥭微甜，西米，仲有一球士多啤梨雪糕🍧。🍡糖不甩糯米糰子口感Q彈柔軟，沾上椰絲、芝麻、花生碎同砂糖，甜而不膩。🍫朱古力窩夫牛角包窩夫香脆，厚厚朱古力鮮奶油同Oreo 餅碎，食落微甜唔會漏。🥢牛肉燒賣雙併一粒山竹牛肉，三粒香菇豬肉燒賣，味道不錯。🥤檸檬馬蹄冰飲落似馬蹄露，幾片檸檬增加酸度，酸酸甜甜又幾好飲。