小糖鈕甜品專門店 (Moved) New Location

Item: Sweet Button Desserts
Rating: 5
Author: lun2015

Sweet Button Desserts

162 Reviews

Taste

Decor

Service

Hygiene

Value

1783

Yuen Long

$51-100

Western Dessert

150

lun2015

Level3

是晚係元朗食完晚飯，心思思諗住食甜品，同區大部份甜品都試過，喺朋友介紹下就黎左呢間都算新開既甜品店，朋友話舖頭水準有番咁上下。舖頭地點其實好方便，就係好多出名既食店附近，空間唔大，牆身同MENU都用左好多七彩繽紛既鈕去做主題，配合番個餐廳名。坐低之後老闆就比左個MENU我地睇，因為岩岩食完晚餐，開頭都諗唔到點D乜野先好，老闆見我地咁頭痕，非常貼心咁同我地了解下想食D咩口味，佢就再做介紹，我就ORDER左個特濃朱古力慕思杯配新鮮橙啫喱，朋友就ORDER左個藍莓心太軟配乳酪雪糕。老闆問我地會唔會試下D飲品，本身我地都驚太飽所以唔諗住ORDER，但見老闆咁熱心我地就問佢有咩飲品可以推介比我地(但其實我地無同老闆講我地岩岩食得好飽)。老闆過左一陣就拎左杯香檸薄荷梳打$29出黎，杯野其實就好似一杯無酒精既MOJITO一樣，但老闆用左粒乾冰去令杯野KEEP住係凍飲，於是杯野就變得好煙霧彌漫，又夠凍同時又唔會令LIME味變淡，加上酸酸地好開胃，呢杯野真係好介紹，好貼心！甜品正式上場-藍莓流芯$98~先講朋友既心太軟，同一般心太軟一樣外表係黑色，但其實係完全無朱古力味的！係用莓做既蛋糕，中間流心既亦都

Read full review

是晚係元朗食完晚飯，心思思諗住食甜品，同區大部份甜品都試過，喺朋友介紹下就黎左呢間都算新開既甜品店，朋友話舖頭水準有番咁上下。

舖頭地點其實好方便，就係好多出名既食店附近，空間唔大，牆身同MENU都用左好多七彩繽紛既鈕去做主題，配合番個餐廳名。坐低之後老闆就比左個MENU我地睇，因為岩岩食完晚餐，開頭都諗唔到點D乜野先好，老闆見我地咁頭痕，非常貼心咁同我地了解下想食D咩口味，佢就再做介紹，我就ORDER左個特濃朱古力慕思杯配新鮮橙啫喱，朋友就ORDER左個藍莓心太軟配乳酪雪糕。老闆問我地會唔會試下D飲品，本身我地都驚太飽所以唔諗住ORDER，但見老闆咁熱心我地就問佢有咩飲品可以推介比我地(但其實我地無同老闆講我地岩岩食得好飽)。

13 views

0 likes

0 comments

老闆過左一陣就拎左杯香檸薄荷梳打$29出黎，杯野其實就好似一杯無酒精既MOJITO一樣，但老闆用左粒乾冰去令杯野KEEP住係凍飲，於是杯野就變得好煙霧彌漫，又夠凍同時又唔會令LIME味變淡，加上酸酸地好開胃，呢杯野真係好介紹，好貼心！

甜品正式上場-藍莓流芯$98~先講朋友既心太軟，同一般心太軟一樣外表係黑色，但其實係完全無朱古力味的！係用莓做既蛋糕，中間流心既亦都係藍莓味。老闆話其實成個甜品除左碟邊D朱古力脆粒外，其實係無朱古力味ga，完全係莓既世界，至於個雪糕，睇落你會以為係雲呢拿味，實情係乳酪味，於是就組合成一道「眼見未為真」而又充滿驚喜既甜品啦！

至於本人既特濃朱古力慕思杯配新鮮橙啫喱$68，先用一隻高身既CHAMPAGNE SAUCER盛住一層層既鮮橙啫喱，朱古力BROWNIE，忌廉同朱古力MOUSSE，再用杏仁膏固定係碟上，旁邊仲有一條朱古力果仁BROWNIE。老闆話因為人人既力度唔同，用杏仁膏固定住既可以令個甜品更靚，又可以保障客人食果時既安全，細心度爆燈！講番朱古力本身，用左70%既法國朱古力，食落好香濃既朱古力味，但一D都唔會死甜，老闆話制作過程完全無加糖，因為所用既朱古力本身質素好，所以唔駛加糖，一黎食得到香濃既朱古力味，二黎唔會令人好快就滯到唔想食。連個橙啫喱同兩片鮮橙都係為左提升個MOUSSE既味道，誇張D講，成個甜品都好立體！