Video
Read full review
2024-08-29
768 views
喺荃灣食到呢間高質泰國菜，必須要極速出po推介俾大家！尤其是佢地嘅世一甜品😍斑斕香草包雞 $49由於以前未食過，喺好奇心驅使之下就試吓，造型好熟悉，好似糭咁🤣入面係一口size嘅雞，表面有香草類嘅調味料，入口係熟悉嘅泰式調味，亦都可以點泰式辣醬食，而雞肉肉質嫩滑，整體覺得幾特別，值得一試和牛船麵 $138平時船麵就食得多啦，和牛嘅船麵真係第一次食，估唔到和牛份量好多，而且每片都好大片，呈粉紅色，生熟程度拿捏得非常好，口感好嫩滑，好幸福🥹另外麵方面可以揀金邊粉或者河粉，我哋就揀咗河粉，連河粉都好高質，好滑溜，湯底清清地，再加上炸豬皮同丸等配料，成個組合好豐富😋紅咖喱鴨胸 $88呢個咖喱上枱嘅時候就聞到好香，餐牌上標示咗兩隻辣椒，但其實都唔會太辣，可接受，鴨胸嘅份量唔少煮得啱啱好唔會靭，另外仲有啲蘑菇同蘿蔔，搭配紅咖喱食好惹味，好想點薄餅食🤣泰式奶茶雪山刨冰船 $98一開始就係比呢個冰吸引咗入嚟，結果一啲都冇失望，比想像中更好食，就咁睇佢個樣覺得似係有比較有顆粒感嘅刨冰，但一筆落去就feel到呢個冰磨得好細膩，口感綿密、入口即溶，個人更加鍾意呢種冰😍味道方面都好好，冰係真係有泰式奶茶味，唔
斑斕香草包雞 $49
由於以前未食過，喺好奇心驅使之下就試吓，造型好熟悉，好似糭咁🤣入面係一口size嘅雞，表面有香草類嘅調味料，入口係熟悉嘅泰式調味，亦都可以點泰式辣醬食，而雞肉肉質嫩滑，整體覺得幾特別，值得一試
和牛船麵 $138
平時船麵就食得多啦，和牛嘅船麵真係第一次食，估唔到和牛份量好多，而且每片都好大片，呈粉紅色，生熟程度拿捏得非常好，口感好嫩滑，好幸福🥹另外麵方面可以揀金邊粉或者河粉，我哋就揀咗河粉，連河粉都好高質，好滑溜，湯底清清地，再加上炸豬皮同丸等配料，成個組合好豐富😋
紅咖喱鴨胸 $88
呢個咖喱上枱嘅時候就聞到好香，餐牌上標示咗兩隻辣椒，但其實都唔會太辣，可接受，鴨胸嘅份量唔少煮得啱啱好唔會靭，另外仲有啲蘑菇同蘿蔔，搭配紅咖喱食好惹味，好想點薄餅食🤣
泰式奶茶雪山刨冰船 $98
一開始就係比呢個冰吸引咗入嚟，結果一啲都冇失望，比想像中更好食，就咁睇佢個樣覺得似係有比較有顆粒感嘅刨冰，但一筆落去就feel到呢個冰磨得好細膩，口感綿密、入口即溶，個人更加鍾意呢種冰😍味道方面都好好，冰係真係有泰式奶茶味，唔會食到中間冇味，另外仲會有一杯煉奶可以自己加，自行調校甜度，另外有仙草芋圓珍珠等配料，令到成個冰嘅口感更豐富😍大推呢個冰！！
鮮奶油蜂蜜厚吐司 $48
除咗個冰之外，呢個厚吐司都係必食，會話係全場MVP🏆吐司焗得外脆內軟，吐司本身嘅麵包香就好出，再搭配埋蜂蜜同鮮奶油超級好食😍😍大家去到一定要嗌呢個！係難以形容嘅好味！
烤杏仁生椰 $39
呢杯嘢飲亦都好高質，贏咗市面上90%嘅手搖店🙏cream頂嘅賣相超吸引，入口係好出嘅椰青水混合奶嘅味道，雖然有奶，但因為椰青水味好出，所以一啲都唔會膩，反而好fresh，口感好滑，面頭嘅杏仁令口感更豐富，大推😍
熱芋泥椰乳 $39
呢杯飲品相對嚟講就冇咁驚艷，不過芋泥同椰子味都好出，作為熱飲飲落好舒服
Post
