甜家

Open Now

Now Closed

知道呢間係香港人小店所以幫襯過好幾次想支持下，第一次堂食芋圓，第二次外賣湯圓，第三次外賣芒果黑珍珠。講真佢d甜品真係普通到不能再普通，而且份量同味道都好麻麻，好多得個死甜。芋圓同出面嗰d比，一食就知係比較低質嘅來貨，第二次食個湯圓未熟透嘅，薑味極淡，前日食嗰碗黑珍珠就極少珍珠，搞到忍唔住要寫幾句。真係唔係好明前面嗰d狂讚嘅食評係點黎。有時唔係話淨係sell人情味同小店就ok，都要顧下食物質素。可能我唔係食佢d招牌甜品掛，so far 自己同屋企人食過都覺得d甜品無乜誠意整，希望可以改善下，如果唔係真係好難繼續支持佢地。