Video
Read full review
2009-06-22
15 views
屋企人見到鴻星出左個 $199@ 石頭魚餐，諗住開開心心一齊去試下，點知換來一次極不愉快既經歷!!食物真係好一般：四小碟 - 7 個人既份量先真係 4 個「小碟」，1人份量應該係幾粒石頭魚羹 - 好腥石頭魚兩味 - 一邊係炒蛋白，一邊係類似避風塘炒法炒野菌 + 炒飯 - 成晚食得飽既，呢個炒飯都算最好食!!棉花白兔仔 - (見下文)蛋白杏仁茶 - 好杏仁霜味，好食與否就見人見智芝士餅 - 呢個都幾好食! 以下講返標題既「棉花白兔仔伴垃圾水」事件!! 呢間野 D 樓面，不論任何職位，都好似乜都唔識咁，反應又慢!食完個炒飯之後，叫佢上甜品 --「棉花白兔仔伴西式甜品」，等左一陣有個阿姐捧過黎，放低一碟 7 隻白兔，再放低 2 個兜仔 (見相片白兔後面係其中一兜)，入面有 D 好似水定糖水之類既野，佢放低 3 樣野就行開左。佢叫得做「棉花白兔仔伴西式甜品」，白兔仔就係人都睇到啦，在坐各人就睇果 2 兜係乜野「西式甜品」，有人見到有 D 好細既野飄浮，就估係咪桂花糖水，拎起聞落係無味既，有人好勇點左一點黎試...原來係水黎既! 咁飄浮果 D 係乜?! 就係花生皮碎!! 係隔離其他檯上、人地食完
食物真係好一般：
四小碟 - 7 個人既份量先真係 4 個「小碟」，1人份量應該係幾粒
石頭魚羹 - 好腥
石頭魚兩味 - 一邊係炒蛋白，一邊係類似避風塘炒法
炒野菌 + 炒飯 - 成晚食得飽既，呢個炒飯都算最好食!!
棉花白兔仔 - (見下文)
蛋白杏仁茶 - 好杏仁霜味，好食與否就見人見智
芝士餅 - 呢個都幾好食!
以下講返標題既「棉花白兔仔伴垃圾水」事件!!
呢間野 D 樓面，不論任何職位，都好似乜都唔識咁，反應又慢!
食完個炒飯之後，叫佢上甜品 --「棉花白兔仔伴西式甜品」，等左一陣有個阿姐捧過黎，放低一碟 7 隻白兔，再放低 2 個兜仔 (見相片白兔後面係其中一兜)，入面有 D 好似水定糖水之類既野，佢放低 3 樣野就行開左。
佢叫得做「棉花白兔仔伴西式甜品」，白兔仔就係人都睇到啦，在坐各人就睇果 2 兜係乜野「西式甜品」，有人見到有 D 好細既野飄浮，就估係咪桂花糖水，拎起聞落係無味既，有人好勇點左一點黎試...
原來係水黎既! 咁飄浮果 D 係乜?! 就係花生皮碎!! 係隔離其他檯上、人地食完果兜花生，再倒埋 D 洗杯水定乜垃圾野落去既 2 兜垃圾水!!!! 個阿姐唔知做乜收左，再當係我地既「甜品」拎上檯!!!!
咁大間鴻星，竟然有 D 咁既員工、犯 D 咁既錯!!! 真係好過份!!
之後即刻搵個部長黎投訴，佢回應左句「佢上錯左!」，就極快手收起果 2 兜野! 一句 SORRY 都無!!
不過都要公平 D 講返，佢隔左 10 分鐘之後，拎左個生果盤黎補返句「唔好意思」~
以上事件 100% 真實，對鴻星超失望，希望佢地好好檢討下!!!
Post
