Video
Read full review
2015-10-07
167 views
同朋友食左晚飯，行行下見到有甜品店，大家都可以食下一入去見到牆身好多款甜品介紹，就知無入錯黎。我見到個menu,第一眼見到個好特别嘅盆栽，原來係tiramisu，我都幾鐘情tiramisu,已經好想叫黎食下，再睇menu,見到有心太軟，又想食，選擇左好耐，朋友見我未選好，問我不如兩個都食，我把心一横就叫左兩個甜品我朋友都選左兩個，法式燉蛋同拿破崙。個tiramisu同個menu嘅相真係一模一樣嫁，好得意牙。仲要有棵菜仔向中間，卡嘩依嫁呢。個面樣似泥嘅野，原來係cookies , 中間就係一層層嘅tiramisu,因為太特别嘅原固，我唔記得影相依個甜品好食，又唔會太甜，三兩啖我已經食哂成個。等我第二個甜品上嘅同時，我朋友個燉蛋已經上枱，我當然都會試下，食落都幾唔錯。面頭脆卜卜，蛋味道適中唔會太甜，蛋味香滑。我個心太軟上枱啦，朱古力嘅心太軟同雪糕嘅顏色一黑一白好靚。立刻食下個心太軟先，食落都幾鬆軟，個心d朱古力濃味，食落幾香口，有熱力，暖淋淋好暖胃好滿足，食多兩啖都已經有種飽肚感食左個心太軟，唔知係唔係因為個心太軟熱，個雪糕未食就已經開始有小小溶左，雪糕味道食落就正正常常無咩特别。食到飽飽
一入去見到牆身好多款甜品介紹，就知無入錯黎。
我見到個menu,第一眼見到個好特别嘅盆栽，原來係tiramisu，我都幾鐘情tiramisu,已經好想叫黎食下，再睇menu,見到有心太軟，又想食，選擇左好耐，朋友見我未選好，問我不如兩個都食，我把心一横就叫左兩個甜品我朋友都選左兩個，法式燉蛋同拿破崙。
個tiramisu同個menu嘅相真係一模一樣嫁，好得意牙。仲要有棵菜仔向中間，卡嘩依嫁呢。個面樣似泥嘅野，原來係cookies , 中間就係一層層嘅tiramisu,因為太特别嘅原固，我唔記得影相依個甜品好食，又唔會太甜，三兩啖我已經食哂成個。
等我第二個甜品上嘅同時，我朋友個燉蛋已經上枱，我當然都會試下，食落都幾唔錯。面頭脆卜卜，蛋味道適中唔會太甜，蛋味香滑。
我個心太軟上枱啦，朱古力嘅心太軟同雪糕嘅顏色一黑一白好靚。立刻食下個心太軟先，食落都幾鬆軟，個心d朱古力濃味，食落幾香口，有熱力，暖淋淋好暖胃好滿足，食多兩啖都已經有種飽肚感
食左個心太軟，唔知係唔係因為個心太軟熱，個雪糕未食就已經開始有小小溶左，雪糕味道食落就正正常常無咩特别。
食到飽飽都係每人六七十，都幾抵食。
Post
