Mina House (Closed)

見評價咁好，諗住同老公上黎食個甜品buffet慶祝生日，點知由入座開始，已經感覺d侍應生慢半拍。。首先，餐廳內本來得兩枱客，不繁忙，已訂座但都要等等先入座，入到去枱無setting。其次，因為款式選擇少，甜品bar經常呈現十室九空狀態，廚房補給好慢，甜品甜度亦太甜。餐具亦欠奉，入座時，發現甜品餐車下無碟，問經理，經理先俾一人一隻，然後添加餐車下的新碟。吃小杯甜品，無茶匙，以為係自己蠢，所以打算放隻湯匙落去小杯度，但真係放唔入。於是問經理，經理行左成個場先搵到幾隻返黎，亦無添加返係餐車度。成間餐廳嘅運作未如理想，好似新開張咁，好多甩漏，樣樣都要問先有，唔明點解有咁人讚好。