Video
Read full review
2016-11-17
1104 views
屈小姐今日就約左同事兼中學師姐們lunch飯聚，聯絡下感情😆！佢地就揀左黎上環呢間Le Creperie，大約12點55分到啦⋯⋯已經有人等緊位啦（比起附近既食肆，呢間叫少人等位嫁啦），等左3-4枱，大約10分鐘左右啦，就可以入去坐啦由於係lunch繁忙時間啦，屈小姐佢地要坐2人枱+1張櫈，不過⋯都ok既！一坐低當然係掃下menu 食咩先啦！其中一個同事好快就決定叫最貴果個set! 咁屈小姐望下⋯佢都想食三文魚，所以都叫左最貴果個set (所有set都係：1咸Crepe+1甜Crepe+1杯飲品）！等多大約15-20分鐘，野食終於黎啦⋯⋯（注意：係中上環尼講，佢地上野係比較慢架！要有Flexible嘅lunch time先好尼食呀！）首先出場既係1) Hot tea- 佢用一set 好精緻既茶具奉上，茶壺連茶杯，影相呃like好ok! 茶味呢都好濃 （屈小姐注：唔係好識飲茶）而且可以keep住熱，幾好！2）Salmon Salad Galette (3星+0.5星健康分）- 配料有菠菜，煙三文魚同太陽蛋，用煮淋左既菠菜鋪底，再加煙三文魚，再加隻太陽蛋係面- 個Crepe 呢，邊位好脆
佢地就揀左黎上環呢間Le Creperie，大約12點55分到啦⋯⋯已經有人等緊位啦（比起附近既食肆，呢間叫少人等位嫁啦），等左3-4枱，大約10分鐘左右啦，就可以入去坐啦
由於係lunch繁忙時間啦，屈小姐佢地要坐2人枱+1張櫈，不過⋯都ok既！一坐低當然係掃下menu 食咩先啦！其中一個同事好快就決定叫最貴果個set! 咁屈小姐望下⋯佢都想食三文魚，所以都叫左最貴果個set (所有set都係：1咸Crepe+1甜Crepe+1杯飲品）！
等多大約15-20分鐘，野食終於黎啦⋯⋯（注意：係中上環尼講，佢地上野係比較慢架！要有Flexible嘅lunch time先好尼食呀！）
首先出場既係
1) Hot tea
- 佢用一set 好精緻既茶具奉上，茶壺連茶杯，影相呃like好ok! 茶味呢都好濃 （屈小姐注：唔係好識飲茶）而且可以keep住熱，幾好！
2）Salmon Salad Galette (3星+0.5星健康分）
- 配料有菠菜，煙三文魚同太陽蛋，用煮淋左既菠菜鋪底，再加煙三文魚，再加隻太陽蛋係面
- 個Crepe 呢，邊位好脆！中間心位軟淋淋，口感好正，係度分享下屈小姐食法啦⋯⋯佢係將個crepe切做短嘅長條形，再卷起食，咁就可以一啖過同時食到哂脆同軟既口感再加埋啲配料啦
- 可惜既係⋯成個crepe味道分佈唔平均，有一d夠咸夠味，有一d就太淡無咩味屈小姐試過落pepper(落完先知係胡椒粉！唔係黑椒！而且佢裝胡椒粉個樽好難用，窿太大，一倒倒好多出黎，會比胡椒遮晒原本既味所以就放棄左）
- 屈小姐建議係：如果配料加多樣芝士應該好味好多好多，味道會平均+平衡好多（或者可以揀啲有蛋同芝士嘅Galette!以前屈小姐係灣仔總店食過！好正架！）
3）Salted Butter Caramel Crepe (5星）
- 屈小姐大推！
- Crepe 依舊邊脆內淋！（係比咸crepe軟身啲既！好夾甜味！）
- 味道好出色，適合唔太好死甜既粉絲，因為佢加左少少鹽，食落微咸加焦糖既甜味，好特別好夾，唔會得個甜字
- 必推之前講既屈小姐食法：可以將脆淋甜脆卷起晒一齊黎食⋯衝擊味蕾！
大家唔好睇佢得2塊薄餅咁⋯其實食完係好飽嫁！食飽飽都只係148 （冇加一，雖然有點貴，但可以接受）
#滄海遺豬
#都係總店最好食
#一定要帶賴生去總店食
#成日借d意溝女(雖然心繫賴生）
Hot tea
59 views
0 likes
0 comments
Salmon Salad Galette
44 views
1 likes
0 comments
Salted Butter Caramel Crepe
26 views
1 likes
0 comments
Post
