3rd Space (Closed)

中上環有好多高質cafe，但星期六日好難搵到位，平日午飯時間黎到，唔駛點等就入到去。cafe設室外位置，畫滿壁畫，好適合打卡。除左招牌班戟外，cafe仲有供應茶漬飯同芝士麵包等主食，不過一心試班戟就skip左。原本想試抹茶味，但當日無供應，就叫咗伯爵茶味。班戟厚身而鬆軟，上面有一層薄薄嘅焦糖，裏面收埋咗舊黏軟嘅麻糬，配埋雪糕冰火交融好夾。海鹽忌廉有啲似custard，一開始擔心會好甜，但加茶味班戟啱啱好，仲有啲cereal碎伴碟增加口感，下次要試埋鹹食。