美味廚 (Closed)

今日，我和朋友到銅鑼灣行街👭，行完sogo後已經是下午二時，我們就決定喺附近醫咗肚先再行過。🍽行下行下，見到呢一間食上海菜嘅餐廳門外有五六個人攞飛排隊，咁我哋都決定攞飛排埋一份，唔使10分鐘，我哋已經可以入座 ，位同坐位之間比較迫，其實冇咩位置可以放袋和戰利品，個侍應見到我手忙腳亂，便提醒我桌下有個鈎可以將你嘅物品一一掛起， 都算好貼心，讚！坐低之後，我哋睇緊有啲乜嘢食，環顧四周，見到10枱客人，幾乎有9枱人都係點排骨菜飯 ，所以我哋兩個女仔都決定每人點一個排骨菜飯。🍚嘩*^O^*排骨好新鮮，外層脆脆的，甜甜的，相信係因為塗咗蜜糖之類嘅調味，但食落完全唔會覺得肥膩，可能係因為個菜飯，啲白菜同飯係撈埋一齊嘅，仲食到好香嘅菜味。我和朋友一啖肉，一啖菜，感覺冇咁邪惡呀！哈哈！ 我哋兩個女仔食到飽飽，全碗都食曬。這個排骨菜飯真是一個不錯的選擇。