峇里餐廳 (Moved) New Location

睇見食評, 真係好想試下因為之前冇Book枱的關係, 黎到門口都一樣冇得食今次又係突然想黎試下, 係旺角打個電話睇下有冇位, 竟然有位喎!所以即刻飛過黎!!!我地跟食評推介點左巴東牛肉, 粟米餅, 蜜糖雞翼, 另外點個蝦醬通菜巴東牛肉好香口, 調味好好, 牛肉又夠稔, 餸飯推介!粟米餅唔覺得好食, 我地一人食左一舊就冇再食, 上枱時係暖, 唔夠脆, 味道古怪蜜糖雞翼一碟四隻雞翼, 勁甜又醬, 可能我唔中意食甜野, 我覺得好一般, 絕對唔係餸飯配搭蝦醬通菜好大碟通菜, 鑊氣差左少少, 唔夠香口, 但送上枱時都好熱, 出晒煙!我相信峇里餐廳食物係好好食, 但可能甜野唔岩我地食, 下次會再黎過!