Lady M (Closed)

由於朋友E未黎過Lady M，所以今次我就專程陪佢黎銅鑼灣呢間食吓嘢。一打開餐牌，我哋就比佢既Lunch Set吸引住，因為既有鹹點選擇，又可以加錢配蛋糕，不過原來Lunch set既供應時間係去到下午兩點就完結，而我哋去到已經過咗時間喇，唯有再望吓餐牌，睇吓有無其他既選擇，見到有個2人Tea Set，但就只有蛋糕可以選擇，而且一份2人tea set跟四件蛋糕，似乎會有點甜到漏既感覺，咁啱我哋兩個都唔想食太多甜點，所以我哋決定散叫我哋兩個都叫咗杯熱既Cappuccino，Cappuccino配上咗靚靚既拉花，雖然咖啡味都幾濃，但係唔夠香，如果以呢個價錢黎講，性價比就唔算太高喇😆鹹點方面，我地叫咗一個芝士豆腐松露蛋卷，主要係蛋皮包住芝士豆腐，雖然食落松露味比較淡，但係好夠蛋香，第一啖食落去個芝士豆腐軟綿綿得黎又熱辣辣，再加上蛋皮上面加咗一塊類似芝士既小脆片，再配以小許香草及黑醋在上，所以完全唔覺漏，味道好清新，整體感覺好唔錯，值得一試😜最後當然唔少得佢地最出名既千層蛋糕啦，我地叫咗一件抹茶千層蛋糕，一層層既餅皮配上順滑既奶油，餅頂再舖上了一層抹茶粉，甘甘香香的，又唔會太甜，可以話將成件事