菓甜品 (Closed)

呢碟絲絲入心其實係心太軟， 但係個擺盤好有創意，將心太軟入面嘅流心流留落放喺下面嘅雪糕，一啲都唔會嘥，感覺就好似可以完全食哂心太軟既朱古力咁。而心太軟嘅朱古力味好濃，入面既流心朱古力溫度好暖唔會太熱，雖然蛋糕表面好乾但係點埋啲朱古力流心一齊黎食就可以中和返個口感。另外心太軟嘅下面唔淨只得雪糕 ，重有啲好好味嘅脆脆同埋oreo，食落口感脆卜卜有甜味又有咬口。呢個甜品比起傳統既法式焦糖燉蛋擺盤更加精緻，上面係焦糖燉蛋下面係鮮果，而出面包住嘅就係班戟。表層果層焦糖燒得金黃鬆脆好有焦味，而層糖又唔會太厚搞到過份甜，另外燉蛋好有蛋香同埋雲呢拿香食落會見到黑色一粒粒嘅雲呢拿粒。配合埋低層既鮮果就充滿鮮甜入心嘅感覺。可惜嘅係當食哂班戟入面啲餡料就顯得班戟好淋，同埋無乜味道，不過食到咁精緻擺盤既焦糖燉蛋都好滿足。本身以為佢真係一條粟米因為真係整得好似，但其實佢係粟米味既凍芝士條。 雖然佢係芝士條但係冇芝士嘅鹹味，佢有芝士味得黎係甜嘅，雖然係凍咗啲，但係粟米加芝士配合埋側邊嘅爆谷同埋脆脆，真係甜到入心得黎唔會太寡。食完咁多甜野最好就係飲番杯清甜嘅飲品去一去滯滯地既感覺。 檸檬味嘅清新配合埋薰衣草嘅香味，