小辣川

Open Now

Now Closed

今日午餐去咗呢間，我叫左個豬扒意粉，然後我見我朋友有湯飲，我就問侍應可唔可以俾多碗我？侍應回答：「你係咪真係飲得晒啲嘢？陣間我俾咗你成碗擺返喺度又唔飲，嘥晒我啲嘢。」當下我已經非常不滿。直至我意粉到了，當時我已經覺得不合理，因為我落單到上菜唔夠2️⃣分鐘已經上到，當我食到一大半先發現豬扒末熟紅色，我就同經理講返晒成件事，佢不但態度惡劣仲即刻將我碟意粉抌落垃圾桶似乎想毀屍滅跡。到最後佢冇回應我如何處理，仲以非常不滿的態度同我說話。完全冇解決過件事。想講嘅係我係一個學生，但係我覺得出嚟做生意唔可以因為我係學生而你可以對我刻薄，應該對每個人嘅態度都係公平，而唔係對住幾廿歲嘅男人你就滿臉笑容。今時今日咁嘅服務態度我真係不能理解亦不能接受。