Video
Read full review
2016-06-23
4888 views
海港可以話係由細食到大，咁多年都有質素保證今年既阿拉斯加長腳蟹似乎當造，好正，今次係第三次食，為咗生日慶祝飯，就寫一篇紀念下。1. 主角，唔係生日既我，係當造既它，阿拉斯加長腳蟹，$188/斤 上星期父親節先食完，只係事隔一星期，都係咁期待，證明真係好野、兼好食！唔使多講，有圖有真相，呢隻4、5斤，大隻都呢⋯⋯d膏係流哂出黎，香、甜、正！最頂呱呱係蟹腳既啖啖肉，食落有淡淡海水味，好有質感既肉地，好得。順帶一提，若想食靚海鮮，記住去有魚缸既海港，收費同普通係一樣，但有時去無魚缸又無預訂海鮮既普通海港，未必食到長腳蟹架！2. 海港燒鵝皇 上次食個皮淋架，今次諗左陣好唔好叫，但又想食，而阿姐話今次唔會淋，好，比多次機會它。結果無失望，皮脆肉多汁，一啖咬落去會bit汁果隻，上枱仲熱熱地，手快有脾，手慢就。。。😝3. 蒜蓉粉絲蒸帶子 帶子偏細粒，而且無乜味，呢味帶子有d失色，但配菜既蒜蓉同粉絲就加番分，粉絲吸哂d汁，好好味，加上唔會好淋一pat pat既質地，多兩條就好啦😁。4. 洋蔥西椒炒聖子 聖子好大隻，本身已經好厚肉，加上無敵既是椒汁，昇華哂聖子既味道，可以一個人食一碟。洋蔥、西椒都係
1. 主角，唔係生日既我，係當造既它，阿拉斯加長腳蟹，$188/斤
上星期父親節先食完，只係事隔一星期，都係咁期待，證明真係好野、兼好食！唔使多講，有圖有真相，呢隻4、5斤，大隻都呢⋯⋯d膏係流哂出黎，香、甜、正！最頂呱呱係蟹腳既啖啖肉，食落有淡淡海水味，好有質感既肉地，好得。
順帶一提，若想食靚海鮮，記住去有魚缸既海港，收費同普通係一樣，但有時去無魚缸又無預訂海鮮既普通海港，未必食到長腳蟹架！
2. 海港燒鵝皇
上次食個皮淋架，今次諗左陣好唔好叫，但又想食，而阿姐話今次唔會淋，好，比多次機會它。結果無失望，皮脆肉多汁，一啖咬落去會bit汁果隻，上枱仲熱熱地，手快有脾，手慢就。。。😝
3. 蒜蓉粉絲蒸帶子
帶子偏細粒，而且無乜味，呢味帶子有d失色，但配菜既蒜蓉同粉絲就加番分，粉絲吸哂d汁，好好味，加上唔會好淋一pat pat既質地，多兩條就好啦😁。
4. 洋蔥西椒炒聖子
聖子好大隻，本身已經好厚肉，加上無敵既是椒汁，昇華哂聖子既味道，可以一個人食一碟。洋蔥、西椒都係我至愛，吃到尾直頭用它們來掃一轉隻碟既汁😎😎，好like呢個餸。
5. 椒鹽鮑魚
今次整得比較乾身，鮑魚唔會好硬，但椒鹽左好似cover左鮑魚本身既味道，而且同椒鹽其他海鮮差不多味，我比較喜歡清蒸既原汁原味😌😌。
6. 雲耳拍青瓜
呢個送酒餐前小菜，估唔到又做得幾好味。拍青瓜夏天好鍾意食，又唔難整，但麻煩，整得多又要食得快，係酒樓少見就試一試。個青瓜雲耳好入味，微辣唔會太嗆，麻油、醋、鼓油配搭剛好，唔會有一種味特別出色而搶去其他味，可一試😋。
Post
