Video
Read full review
2011-06-26
7 views
今年男朋友生日,一早同我講定要食buffet,因為之前講左好耐我都唔肯同佢去,咁生日大哂就下佢啦=)6點半開始,準時落去,成個buffet食到男朋友同我都好開心!!!不過就係因為掛住食,所以無影到相service同其他食評講既一樣,服務態度非常好,而且收碟既speed係快到你唔信,因為佢地既staff都幾多下,成日係你前面行黎行去睇下你地食哂未。同埋佢地既manager都幾親力親為,見個燒烤區多人,就落手落腳去幫佢切ribs環境 除左細左d之外,其他方面都好好,冷氣又唔會凍到雪房咁,d燈又暗暗地,都幾浪漫食物 佢d食物既款式真係唔太多,冷盤,熱盤,甜品都係10款到,不過貴精不貴多,大部份都好好食!冷盤:::今次一件3文魚都無食,淨係食左甜蝦,第一次食要自己搣殼既甜蝦,佢有d綠色野,有少少呢hea,不過好鮮甜!而且要自己搣感覺衛生d!佢仲有冷麵同壽司,不過d壽司俾人夾到散哂,唔靚仔!佢個沙津吧我地encore左4次!d生菜好新鮮,而且都幾多sauce揀,仲有男朋友最中意食既ham tim!!!雖然無我想食既提子乾,不過有麵包碎同芝士粉,所以我自製左個凱撒沙津之後食左一碟長腳蟹,成日都聽d
6點半開始,準時落去,成個buffet食到男朋友同我都好開心!!!不過就係因為掛住食,所以無影到相
service同其他食評講既一樣,服務態度非常好,而且收碟既speed係快到你唔信,因為佢地既staff都幾多下,成日係你前面行黎行去睇下你地食哂未。同埋佢地既manager都幾親力親為,見個燒烤區多人,就落手落腳去幫佢切ribs
環境 除左細左d之外,其他方面都好好,冷氣又唔會凍到雪房咁,d燈又暗暗地,都幾浪漫
食物 佢d食物既款式真係唔太多,冷盤,熱盤,甜品都係10款到,不過貴精不貴多,大部份都好好食!
冷盤:::今次一件3文魚都無食,淨係食左甜蝦,第一次食要自己搣殼既甜蝦,佢有d綠色野,有少少呢hea,不過好鮮甜!而且要自己搣感覺衛生d!佢仲有冷麵同壽司,不過d壽司俾人夾到散哂,唔靚仔!
佢個沙津吧我地encore左4次!d生菜好新鮮,而且都幾多sauce揀,仲有男朋友最中意食既ham tim!!!雖然無我想食既提子乾,不過有麵包碎同芝士粉,所以我自製左個凱撒沙津
之後食左一碟長腳蟹,成日都聽d人話好好食,今次終於試到!!其實除左大肉d之外,都無咩特別!不過佢呢到隻隻蟹腳都真係超大隻!!!不過係到剪既時候佢有d水流出去,搞到隻手濕哂,俾男朋友話我污糟!仲有螺,青口同白蜆,我食左白蜆,好鮮甜,而且一d沙都無,證明都洗得好乾淨(不過食呢d海鮮真係食到好呢hea)
熱盤::::大概有10款野食到啦,唔見佢有轉款。我淨係食左佢d牛肉,魚同豉椒炒蜆。除左條魚值得一讚之外,其他我都覺得麻麻地!佢條魚雖然唔係大魚,但係佢都ok大條,而且蒸得10分之滑!!!好好食!但係佢d牛肉好un,d炒蜆又無乜味,冷盤果d好食好多!
不過衰在無羊架食,有d失望
燒烤::::有牛舌,腸仔,chicken wings呀呢d大路野食,不過佢燒要等成10分鍾先有!男朋友encore左好多串佢個腸,因為一串得兩粒....佢話好好味,d醬同腸mix埋好夾咁話喎!!!!佢仲有即叫即整既麵tim,係泰式的好似!不過因為食完即刻飽哂所以都係無叫到
甜品:::::有刨冰食,不過無乜配料,所以食完好似真係食左碗冰咁囉..
值得一讚係佢既木康布甸好好好食!!!佢所有朱古力既cake都好好食,不過如果唔係太中意苦既人就未必岩啦!
反而我覺得佢既blueberry cheesecake就麻麻地啦,都無乜芝士味,不過都整得好滑
最唔好食既係佢既芒果杯,好酸!!!仲有好唔user friendly,因為個杯好細,但係佢得大匙,結果底果d就食唔到啦....
雪糕都係維記細細杯同埋朱古力雪條啦!
總結
佢d service真係好好,因為男朋友生日有送蛋糕(味道都唔錯),加上我係book左房,跟住埋單同佢地講送上房,佢地真係好準時咁送到上黎,男朋友都好surprise
雖然佢d野食款式就好一般,不過咁既價錢同咁既服務真係好滿意啦
Post