茴香 (Closed)

又到生日☺️緊係想揀間鍾意嘅餐廳食飯開心吓！慶祝又大一歲的晚餐，左揀右揀，比我發現咗一間幾吸引嘅半自助餐，決定book枱去試吓👍而當日有whatsapp confirm booking, 服務唔錯👌係地鐵站行去餐廳都好快，十分鐘左右就到，搭升降機到餐廳門口，員工都好快安排入座。坐低睇下餐牌，餐湯揀左是日嘅南瓜湯及法式洋蔥湯各一試吓，南瓜湯味濃郁，真材實料，洋蔥湯就即時焗製，相當新鮮美味。而主菜揀左加拿大豬鞍同埋蒜香三文魚。豬鞍肥瘦適中，口感一流，配上微酸的醬汁，開胃又好味。三文魚份量充足，烹調時間剛好，口感不錯。😋點完菜就去夾吓沙律吧，有幾款唔同嘅沙律揀，旁邊亦有醬料，紅腰豆等配料。除左沙律，都有蟹腳，水果，糖心蛋，芝士等食品供選擇，味道唔錯，蟹腳亦有定時增添，值得欣賞。最後不得不提嘅飲品及甜品，飲品係“能喝的tiramisu ” 以及少女心事，tiramisu 外觀吸引，味道都不錯，但下層帶苦味，有點似齋啡，建議邊攪拌邊喝，少女心事帶點甜甜的果味梳化，味道👍甜品餐廳會為生日者寫“Happy birthday ”,亦有一枝煙花蠟燭，別具心思。