安安燒 (鯉景大廈) (Closed)

中學同學生日, 正諗緊去邊度慶祝, 記得之前食過呢間串燒話生日有香檳送, 所以就同朋友決定係呢度慶祝!我地4個人七點已經到咗, 今日天氣涼涼地我地就坐露天位感覺舒服D.叫咗好多野食! 樣樣都燒得好味, 最開心就係唔洗自己落手燒, 坐定定就可以等開餐!燒雞翼 – BBQ同雞翼真係天生一對! 呢度D雞翼燒得好香, 而且肉汁仲保留到係D雞翼裏面, 而雞肉亦醃得夠味, 好好味呀!蒜蓉燒扇貝 – 扇貝厚肉, 而且加埋粉絲落去, 吸收咗扇貝鮮味的精華, 加埋少少辣椒提味, 用燒的返法去做增加咗佢的香味.燒墨魚咀 – 墨魚咀鮮味, 加埋咬落去好多汁, 好過癮!燒一口甜薯 – 呢隻甜薯估唔到佢會咁甜咁好味. 初時一上枱見到佢個樣好古怪, 但食落好甜, 食仲帶有甘香味道, 真係”薯不可以貌相!”其實仲叫咗好多唔同款的野食, 但掛住講野已經唔記得影相. 總括而言, 呢間串燒店環境唔錯, 坐得舒服(可以坐露天), 而且野食都燒得好好味, 生日仲有香檳送. 三五知己消遣係一個唔錯的選擇! 不過坐戶外有時會有人食煙, 如果真係好唔鍾意煙味的就建議坐返室內好D