三木日本料理 (Closed)

朋友生日, 不知去那裡食, 諗地方是很惱人的, 睇睇下facebook, 見呢間做緊二人同行一人半價, 抵喎, 仲有仼食磯燒海鮮放題, 可以試下喎, 咁就一行人, 睇完戲就生日飯, GOGOGO我地一坐低, 服務員好快送上4款海鮮, 甲羅, 蟶子, 鮑魚同大蜆, 非常吸睛, 你睇下D鮑魚, 仲生架放題中, 呢間嘅壽司算做得不錯, 比起大部分壽司店更好尤其係炙燒壽司, 推介牡丹蝦同鰻魚壽司, 影到咁近, 大家都睇到佢整得幾精緻, 味道更加優勝頭先無介紹甲羅, 因為想特別講下個食法, 佢好有心思咁, 配隻鵪鶉蛋, 首先打上蟹肉蟹羔蟹籽, 撈好後放上爐, 加熱一陣再撈, 蛋漿包著所有蟹肉蟹羔蟹籽, 就好似下圖, 鵪鶉蛋令成件事昇華左, GOOD蟶子非常新鮮, 乾淨無沙, 燒完軟身, 爽口, 正大蜆, 成個拳頭咁大, 見到都開心, 唯獨呢款比較UN, 爭少少芝麻雞翼同牛肉壽喜燒係我去放題必點的, 芝麻雞翼已取代燒雞翼了, 外脆內軟, 香而不油, 讚; 牛肉壽喜燒如果可以加個烏冬更正甜品揀左朱古力同芝麻雪糕, 雪糕球做到一個個圓波波咁, 真係見到心思, 但係又唔會硬哂, 軟身可即食, 妙