Video
Read full review
2018-12-24
80 views
尋日阿仔生日，帶咗阿仔去康怡廣場食餐好嘅。好耐冇同阿仔出街食飯啦。 我哋去咗間新開嘅餐廳，金記冰室。間嘢真係好好易去呀！就喺康怡廣場地下果層，元氣壽司對面就係。成間鋪頭店面都幾大，環境好好呀！我哋坐嘅卡位啱啱好可以望住出面大馬路。 一打開餐牌，見到入面有好多冰室話嘅解釋。比如話「靚仔」係指白飯、「啡走」、「兜亂」、「制水」等等等等，每頁嘅餐牌都會有一個字詞嘅解釋，好有香港舊式風味呀！ 主菜我叫咗碟XO醬豬扒炒烏冬。辣度適中，啱晒我呢啲女人仔食。豬扒又唔會太韌，成碟烏冬油油地，我本人好鍾意食少少油膩嘅嘢食，感覺好開胃。 阿仔就叫咗鐵板雜扒，黑椒汁跟個「靚仔」。成盤鐵板仲有牛扒、煙肉、豬扒、雞扒、腸仔(應該唔係廚師腸)塊鐵板夠晒熱呀！啲黑椒汁一倒即刻*喳喳*聲，醬汁彈到我好痛呀！牛扒煎得幾成熟呢我都唔知，不過聽阿仔講係好好食㗎，佢一下子就食晒手掌咁大塊牛扒。我趁佢去廁所偷食咗佢一小塊雞扒，真心唔錯㗎！雞肉好滑好嫩，完全唔老，雞皮都唔會好油。 小菜方面，阿仔幫我叫咗個金磚風沙炸豆腐。塊豆真係香到呢……金黃色又香又脆的外皮，內裡係滑嫩的豆腐。簡直係香港民間嘅B級美食。 飲品我哋就叫咗紅豆冰。
我哋去咗間新開嘅餐廳，金記冰室。間嘢真係好好易去呀！就喺康怡廣場地下果層，元氣壽司對面就係。成間鋪頭店面都幾大，環境好好呀！我哋坐嘅卡位啱啱好可以望住出面大馬路。
一打開餐牌，見到入面有好多冰室話嘅解釋。比如話「靚仔」係指白飯、「啡走」、「兜亂」、「制水」等等等等，每頁嘅餐牌都會有一個字詞嘅解釋，好有香港舊式風味呀！
主菜我叫咗碟XO醬豬扒炒烏冬。辣度適中，啱晒我呢啲女人仔食。豬扒又唔會太韌，成碟烏冬油油地，我本人好鍾意食少少油膩嘅嘢食，感覺好開胃。
阿仔就叫咗鐵板雜扒，黑椒汁跟個「靚仔」。成盤鐵板仲有牛扒、煙肉、豬扒、雞扒、腸仔(應該唔係廚師腸)塊鐵板夠晒熱呀！啲黑椒汁一倒即刻*喳喳*聲，醬汁彈到我好痛呀！牛扒煎得幾成熟呢我都唔知，不過聽阿仔講係好好食㗎，佢一下子就食晒手掌咁大塊牛扒。我趁佢去廁所偷食咗佢一小塊雞扒，真心唔錯㗎！雞肉好滑好嫩，完全唔老，雞皮都唔會好油。
小菜方面，阿仔幫我叫咗個金磚風沙炸豆腐。塊豆真係香到呢……金黃色又香又脆的外皮，內裡係滑嫩的豆腐。簡直係香港民間嘅B級美食。
飲品我哋就叫咗紅豆冰。
今次阿仔嘅生日慶祝都算係成功嘅，阿仔食得好滿足。我哋叫咗3樣嘢，2杯紅豆冰，價錢都唔係太貴，都係$200樓下，非常之抵食呀！仲有呀！阿仔個扒餐叫飲品仲有半價優惠添呀
Post
