YAKINIKU KAKURA (元點)

Open Now

Now Closed

同個friend慶祝生日決定去食燒肉。今次搵到喱間靚靚和牛燒肉原來元朗都有分店，之前喺銅鑼灣都食過，記得佢每人都送一份甜品，諗住唔洗買蛋糕。人氣嘅大判燒黑毛和牛西冷，每次都必點，有員工們專業幫你燒，油脂好搶火，撈埋温泉蛋，一咬落去入口即化，好好味。今次特別叫左黑毛和牛橫膈膜、腹柳小排、上肋骨肉。橫膈膜嘅口感比較有實感，唔會話太肥，層次口感比較多，牛味較重。而腹柳小排就真喺油脂超強，入口即溶，一啖食落去感覺超邪惡。上肋骨肉口感比較結實，原全喺另類口感，食落去肉質好厚實。額外都叫咗牛腸因為佢好似每一次都特別喜歡，識落去真係好煙韌彈牙，總之就係好邪惡呀。因為食得太多肉類所以最後都補返個菜得自己平衡一下，涼拌菠菜的確真係可以解膩。額外都叫咗個魷魚試一試，呢一種魷魚係比較軟糯口感嘅嗰一種。甜品方面真喺好想大讚，就係因為佢夠儀式咁和盒上，所以就帶friend嚟慶祝生日。同埋布甸杏仁味好香好滑。