Read full review
2018-03-22
1456 views
今年嘅生日慶祝晚飯特別多維港海景相伴,今晚兩位至親buddies話要俾個驚喜我,雖則係食中菜,但話要去一間我未食過嘅中菜廳。原來係「港灣壹號」,真係super buddies呀⋯⋯哈哈哈!灣仔地鐵站沿會展方向,去到君悦酒店8樓,一岀𨋢其實係完全見唔到餐廳咩環境,再經走廊落7樓。嘩,擁有一個無敵大海景+超grand裝修佈置擺位,就係「港灣壹號」嘅餐廳環境啦!服務方面貫徹五星級,細心周到得來亦唔會太over,總之令食客有賓至如歸嘅感覺。食物選擇有好多,最好係多款菜式都有half or full portion選擇,迎合唔同人數之餘,又可以食多幾道唔同菜式。我哋order咗——蜜糖汁叉燒:唔知是否招牌菜之一,但這個蜜汁叉燒真係好岀色,味香肉鮮!炸子雞:半隻嘅份量比想像中多,雞肉鮮嫩、皮炸得香脆,點上一點鮮檸檬汁,超正!欖菜蠔煲:欖菜嘅惹味配上蠔獨有嘅口感味道,超棒!桂花汁炸鮮冬菇:勁勁勁好食,炸得脆脆包住香軟嘅冬菇再加上桂花汁的清香甜味,再講多次,勁勁勁好食!蟹肉炆鴛鴦米:份量一樣比想像多,3人每人都有碟半,蟹肉多又新鮮,鴛鴦米有晤同層次,好味!蜜糖雞蛋散、酥皮焗蛋撻、另朋友安排下,餐廳送上
灣仔地鐵站沿會展方向,去到君悦酒店8樓,一岀𨋢其實係完全見唔到餐廳咩環境,再經走廊落7樓。嘩,擁有一個無敵大海景+超grand裝修佈置擺位,就係「港灣壹號」嘅餐廳環境啦!
服務方面貫徹五星級,細心周到得來亦唔會太over,總之令食客有賓至如歸嘅感覺。食物選擇有好多,最好係多款菜式都有half or full portion選擇,迎合唔同人數之餘,又可以食多幾道唔同菜式。
我哋order咗——
蜜糖汁叉燒:唔知是否招牌菜之一,但這個蜜汁叉燒真係好岀色,味香肉鮮!
炸子雞:半隻嘅份量比想像中多,雞肉鮮嫩、皮炸得香脆,點上一點鮮檸檬汁,超正!
欖菜蠔煲:欖菜嘅惹味配上蠔獨有嘅口感味道,超棒!
桂花汁炸鮮冬菇:勁勁勁好食,炸得脆脆包住香軟嘅冬菇再加上桂花汁的清香甜味,再講多次,勁勁勁好食!
蟹肉炆鴛鴦米:份量一樣比想像多,3人每人都有碟半,蟹肉多又新鮮,鴛鴦米有晤同層次,好味!
蜜糖雞蛋散、酥皮焗蛋撻、另朋友安排下,餐廳送上的杏仁條加生日牌:蛋散唯一一般、小蛋撻夠香又夠熱。而餐廳安排的一大驚喜,杏仁條+生日牌誠意十足,又有得影相,超讚!
一個難忘的生日慶祝晚餐,食物質素、海景景觀、餐廳環境、服務水準全部都係一流,當然要再次多謝我兩位super buddies嘅悉心安排!
Post