到會谷

Open Now

Now Closed

今日屋企人生日開party，所以叫咗到會，我見佢哋網頁介紹好豐富好多種類俾佢吸引咗，咁我就選擇咗六至八人套餐～老闆鮑魚瑤柱荷葉飯；每粒飯都滲入好香嘅荷葉味，鮑魚乾瑤柱好足料，份量十足～芝士焗奶香忌廉汁雞粒菠菜什菌千層麵；忌廉芝士好香濃，好Creamy，再配合咗雞粒同埋菠菜，仲有好多什菌～慕尼黑洋腸派對拼盤配蜜糖芥末醬；開party呢個係必點，初頭仲以為得一款腸，但係原來都有幾款，大人小朋友都鍾意食～水牛城香烤芝麻雞鎚；秘製醬汁香香辣辣好好味、有少少酸，食起上嚟好開胃～原隻鳳尾蝦多士配他他醬蝦多士，呢個我屋企人最鍾意食，蝦肉彈牙再配合鬆脆多士，正呀！桔仔香茅炭燒豬頸肉配泰式醬；豬頸肉調味得好好，炭燒香口惹味～香辣火焰黑椒爆炒京蔥鹽燒牛舌份量好多，京蔥炒得好香，牛舌好軟熟，初頭仲驚小朋友食唔到，點知小朋友食完一粒又一粒，仲話好好味！哈！打冷滷水拼盤配酸辣醋滷水調味好濃郁，好入味，有鵝翼、豬耳、豬大腸、紅腸，好豐富！呢一個我最鍾意食！送貨哥哥喺指定時間好準時就到咗，而且好有禮貌，送到嚟嘅食物，仲係熱辣辣，非常好呀，佢哋好貼心用咗保溫嘅包裝方式，而且仲加埋保溫貼更加保溫，套餐亦都包晒餐具～