Video
Read full review
2016-11-24
2388 views
今日係肥妹女友生日大日子，佢話屯門食到悶要揾其他地方食，於是我喺美食之區-元朗揀左間西餐叫 Forever佢個位置就爭小小，不過靜中帶旺，成條街都係食肆餐廳安排左我地坐近窗邊，而且張櫈好舒服，肥妹女友話有公主嘅感覺，睇左一陣，嗌個二人餐一定無走雞頭盤係白酒煮蜆加鴨胸沙律蜆肉鮮甜無沙，酒味唔會太濃，唔食搶左蜆嘅原味鴨胸沙律，沙律菜尚算爽脆新鮮，鴨胸不過不失，每人一份or小小地食都幾開胃再黎今晚係蕃茄湯，蕃茄咪的確係香濃，但略為淡囗，自行加左小小餐桌鹽吊一吊味，配埋嘅蒜蓉包都唔差主菜美國頂級1855安格斯肉眼扒呢個菜份量都唔小，成10oz，肉質嫩滑，食唔到有筋，如果熱啲更好，肥妹女友一囗接一囗，餐廳貼心地有個小焗薯同蔬菜伴碟另一個主菜係鮮菠菜汁三文魚意大利飯我就真係幾欣賞呢個飯，意大利飯軟硬適中，個菠菜汁又多晒香濃，加埋個三文魚魚肉好嫩滑，但外皮又脆脆地，真係幾有驚喜跟餐係雪糕甜品，生日點可以無蛋糕，雖然我無準備，不過呢度好好，有好多款自家製蛋糕比你任揀，叫左個焦糖芝士蛋糖，一件邊夠肥妹女友食丫，叫埋石板街蛋糕两個蛋糕都幾有水準，石板街就甜度高啲，焦糖就芝士味幾濃厚，呢頭食完蛋糕，呢個肥妹
佢個位置就爭小小，不過靜中帶旺，成條街都係食肆餐廳安排左我地坐近窗邊，而且張櫈好舒服，肥妹女友話有公主嘅感覺，睇左一陣，嗌個二人餐一定無走雞
頭盤係白酒煮蜆加鴨胸沙律蜆肉鮮甜無沙，酒味唔會太濃，唔食搶左蜆嘅原味
鴨胸沙律，沙律菜尚算爽脆新鮮，鴨胸不過不失，每人一份or小小地食都幾開胃
再黎今晚係蕃茄湯，蕃茄咪的確係香濃，但略為淡囗，自行加左小小餐桌鹽吊一吊味，配埋嘅蒜蓉包都唔差
主菜美國頂級1855安格斯肉眼扒呢個菜份量都唔小，成10oz，肉質嫩滑，食唔到有筋，如果熱啲更好，肥妹女友一囗接一囗，餐廳貼心地有個小焗薯同蔬菜伴碟
另一個主菜係鮮菠菜汁三文魚意大利飯我就真係幾欣賞呢個飯，意大利飯軟硬適中，個菠菜汁又多晒香濃，加埋個三文魚魚肉好嫩滑，但外皮又脆脆地，真係幾有驚喜
跟餐係雪糕甜品，生日點可以無蛋糕，雖然我無準備，不過呢度好好，有好多款自家製蛋糕比你任揀，叫左個焦糖芝士蛋糖，一件邊夠肥妹女友食丫，叫埋石板街蛋糕
两個蛋糕都幾有水準，石板街就甜度高啲，焦糖就芝士味幾濃厚，呢頭食完蛋糕，呢個肥妹仲話要食法式焦糖燉蛋，咁食法真係比佢吹漲，但係睇住佢食到好滿足嘅樣又真係幾開心嘅，我打定輸數我啲朱古力假以時日會六神合一嫁啦…燉蛋好快上左枱，都幾滑溜，食食下我都唔記得左我啲朱古力啦…最後：我嘅肥妹生日快樂
Post
