forte (Closed)

同屋企人同一個生日月，所以用咗優惠食自助餐晚餐。其實係半自助晚餐，主菜可以從餐牌上選擇，我們一行六人，叫咗斧頭扒及豬手。其實食前菜，頭盤，甜品等等已經食到飽，好在主菜食唔晒可以攞走，咁都唔會浪費食物。凍海鮮都好多選擇，cocktail prawns 好甜，蝦肉彈牙。斧頭扒真係好大，影相打卡一流，不過預備時間好長，我哋食到七成飽先上餐，所以最後都食唔晒。豬手個皮好脆，一啲都唔油膩，配埋酸菜食一流。甜品唔係太多選擇，但係有心機嘅甜點。生日月中會送蛋糕，都係食唔晒可以攞走。