Video
Read full review
2024-09-01
6344 views
上星期和家人慶祝生日特登book左呢度，因為知道可以揀選自己想畫嘅公仔同祝福說話畫喺甜品碟上面，非常之期待！首先，講講食物質素先，食物種類其實唔算好多，但係質素還好，只係刺身海鮮一般般。燉湯還可以，和牛都幾好。鴨肝花膠鮑魚全部都係限量供應，成晚淨係見過得幾碟一出即刻攞晒😅生日畫碟部份，員工擺咗紙同埋筆喺嗰度，冇乜特別嘅指示，亦都冇清晰嘅指示牌，於是我哋攞咗紙筆返座位寫。當晚見到有人嘅作品畫咗生蠔BB，見到都好靚仔，於是我就寫咗生日嘅祝福說話同埋（畫生蠔BB）。結果第一次出去拎作品，竟然淨係得啲字，加一啲好簡單嘅圖畫，我哋呆咗😨女員工話我哋冇直接畫圖畫落張紙，咁我話頭先都有人畫過生蠔BB，其實我都寫咗想畫生蠔BB咁都唔得？然後佢都冇乜點樣回應我，咁既然係咁，就攞多一張返去再寫再畫啦。本身嗰三個生日畫碟拎咗返去，家人出去拎蠟燭，聽到生日畫碟嘅師傅同個女員工一齊喺度傾偈打牙骹，個師傅好不滿，咁話我哋寫得太多字，畫唔到上去😨到呢度先知道原來係唔可以寫太多🫥家人聽到當時又尷尬又唔開心，完全影響當晚氣氛😔最後我哋拎多兩張紙出去已經畫咗公仔，一張生蠔BB佢收咗，另一張佢就話畫唔到太複雜，小朋友非常認
首先，講講食物質素先，食物種類其實唔算好多，但係質素還好，只係刺身海鮮一般般。燉湯還可以，和牛都幾好。鴨肝花膠鮑魚全部都係限量供應，成晚淨係見過得幾碟一出即刻攞晒😅
生日畫碟部份，員工擺咗紙同埋筆喺嗰度，冇乜特別嘅指示，亦都冇清晰嘅指示牌，於是我哋攞咗紙筆返座位寫。
當晚見到有人嘅作品畫咗生蠔BB，見到都好靚仔，於是我就寫咗生日嘅祝福說話同埋（畫生蠔BB）。結果第一次出去拎作品，竟然淨係得啲字，加一啲好簡單嘅圖畫，我哋呆咗😨女員工話我哋冇直接畫圖畫落張紙，咁我話頭先都有人畫過生蠔BB，其實我都寫咗想畫生蠔BB咁都唔得？然後佢都冇乜點樣回應我，咁既然係咁，就攞多一張返去再寫再畫啦。
本身嗰三個生日畫碟拎咗返去，家人出去拎蠟燭，聽到生日畫碟嘅師傅同個女員工一齊喺度傾偈打牙骹，個師傅好不滿，咁話我哋寫得太多字，畫唔到上去😨到呢度先知道原來係唔可以寫太多🫥家人聽到當時又尷尬又唔開心，完全影響當晚氣氛😔
最後我哋拎多兩張紙出去已經畫咗公仔，一張生蠔BB佢收咗，另一張佢就話畫唔到太複雜，小朋友非常認真去畫，結果畫唔到，超級失望，咁就唔好叫我哋畫落張紙度就可以啦🥲
最後終於得到生蠔BB畫碟，但係完全同當晚見到別人嗰隻係好唔同，呢隻唔知點解畫到好炒車🥲🥲🥲
總結好想講，好想表達，食物質素其實唔差，但係員工真係需要培訓一下，生日畫碟部份應該要指示清晰，例如字數限制，圖畫限制🚫師傅同個女員工完全係令到當天晚上非常不愉快一波三折，仲要在客人面前亂講說話，其實有咩直接我哋攞碟嘅時候出聲，唔應該喺客人背後咁樣講👎所以為咗想影生日碟嘅話，都唔需要咁大期望去啦，唔建議去慶祝生日🫥完
附上生日碟圖片
第一次求其畫
479 views
0 likes
0 comments
Post
