Video
Read full review
2008-02-25
太座生日宴嘅壓軸好戲，就响呢度上演...過年前己book定位，跟負責人anita研究一番，決定咗menu。自己算做食過吓所謂嘅私房菜(雖然現在嘅大多已變了質)，但太太嘅私房菜經驗不多，所以今年捨棄咗去食tempura，轉而一食private kitchen..四款set任君選擇。幫太座呢個鵝肝粉絲揀咗個有foie gras食嘅set，自己本來打算叫個平D嘅set(始終主角唔係自己ma)，但望見有foie gras order，又心有不甘，Anita又講可以加多五十大洋就可以upgrade個餐(加入foie gras及鮮蝦濃湯)，把心一橫，豪就豪得盡D la...好典型嘅私房菜格局，枱只得四至五張，不過有一間private room可供訂座，地方"骨子"，位與位之間算頗鬆動...先來簡單嘅烘法包作warm up，一食便知係來貨，無甚特別，不過蒜茸牛油就係home-made嘅，蒜味頗重，太座呢個garlic monster甚樂，最後差唔多成砵搽晒吃過包後就先來杯welcoming drinks，是夜係檸薑特飲。薑味點到即止，酸酸哋，作為開胃小飲係不錯嘅選擇..."主菜"foie gras隨
過年前己book定位，跟負責人anita研究一番，決定咗menu。自己算做食過吓所謂嘅私房菜(雖然現在嘅大多已變了質)，但太太嘅私房菜經驗不多，所以今年捨棄咗去食tempura，轉而一食private kitchen..
四款set任君選擇。幫太座呢個鵝肝粉絲揀咗個有foie gras食嘅set，自己本來打算叫個平D嘅set(始終主角唔係自己ma)，但望見有foie gras order，又心有不甘，Anita又講可以加多五十大洋就可以upgrade個餐(加入foie gras及鮮蝦濃湯)，把心一橫，豪就豪得盡D la...
好典型嘅私房菜格局，枱只得四至五張，不過有一間private room可供訂座，地方"骨子"，位與位之間算頗鬆動...
先來簡單嘅烘法包作warm up，一食便知係來貨，無甚特別，不過蒜茸牛油就係home-made嘅，蒜味頗重，太座呢個garlic monster甚樂，最後差唔多成砵搽晒
吃過包後就先來杯welcoming drinks，是夜係檸薑特飲。薑味點到即止，酸酸哋，作為開胃小飲係不錯嘅選擇...
"主菜"foie gras隨後便到。份量頗足，presentation亦見心思(睇下張相就知，你睇佢幾好笑容)，大件之餘亦夠厚身。做得相當之脆口，但卻一點也不燶，有相當水準，但略嫌不夠肥美，冇漏晒油嘅感覺。食落佢哋應該唔係用rougie貨色，雖然如此，整體嚟講都唔算太令人失望...
食完肥肝，再來嘅蝦湯又係味濃之作。味相當鮮，顏色黃黃，應該係加咗龍蝦頭膏去煮，夠濃稠，還可以...
正統法式full course menu中間一定有間場小點，通常都係以sorbet為主，酸酸哋醒胃之餘又可清清味蕾。當晚食到嘅係pineapple sorbet，味道並不死酸，用新鮮果肉做，不俗...
真正主菜係特製燒雞及燒銀鰽魚柳。雞嘅size比一般春雞大隻，用香料及香草醃製(食到有rosemary香氣)，汁味道做得頗甜，肉亦算頗嫩，不過對小弟嚟講，都係釀係雞入面嘅蔬菜美味好多...
魚柳就做得普通，雖然皮做得微脆，但魚嘅肉質偏淡，亦不夠嫩；汁亦調得太酸，失手了...
甜品水準亦係普通--- tiramisu酒味不夠；心太軟就連街邊甜品屋及茶餐廳都有得食，有何特別?
來一杯紅茶作結尾，太座吃得極高興...
最緊要係呢樣啫...^0^
Post
