Video
Read full review
2017-02-20
1743 views
食完拉麵喺尖咀閒逛咗一陣，就到晚飯時間喇。今晚食位於赫德道嘅西班牙餐廳-Alzina。我哋大約8點鐘嚟到，店員好快就安排咗座位俾我哋。店內裝修充滿特色，播放住西班牙音樂，燈光有點昏暗，而枱上點住小蠟燭，甚有情調。坐低後店員就好熱情咁推介餐牌上嘅食物俾我哋，我當然將個選擇權交俾壽星仔啦，最後佢揀咗咗黑毛豬柳拼盤、傳統西班牙海鮮炒飯同西班牙雜菜串。等咗一陣，西班牙海鮮炒飯率先上枱。上菜時店員提醒鍋邊扶手都會好熱，要小心;之後開始食時有位店員開定濕紙巾俾我哋，話食海鮮時整污糟可以方便抹手，好貼心。西班牙海鮮炒飯包括有蝦、青口同蜆，每樣海鮮都好鮮甜，只係食其中一隻蜆時有好多沙。炒飯吸收哂以上海鮮嘅精華，食每一啖除咗有蕃茄味外，仲有唔少海鮮嘅鮮味，如果飯量可以更多就好喇。黑毛豬柳拼盤包括咗豬三個唔同嘅部位（每款店員都介紹過，但我已經忘記得一乾二淨😔)，喜歡食肉嘅壽星仔表示好好味好滿意，每款都烤得剛剛好，肉質鮮嫩且啖啖肉汁，無乜豬肉嘅羶味。食咗咁多肉，當然要食下蔬菜平衡下，所以就食下西班牙雜菜串啦，依個係用碟上嘅，雜菜包括蕃茄、大菇、茄子、露筍、糯米粟、薯仔等等，蔬菜略為烤過，加以少量鹽同黑胡椒，
我哋大約8點鐘嚟到，店員好快就安排咗座位俾我哋。店內裝修充滿特色，播放住西班牙音樂，燈光有點昏暗，而枱上點住小蠟燭，甚有情調。坐低後店員就好熱情咁推介餐牌上嘅食物俾我哋，我當然將個選擇權交俾壽星仔啦，最後佢揀咗咗黑毛豬柳拼盤、傳統西班牙海鮮炒飯同西班牙雜菜串。
等咗一陣，西班牙海鮮炒飯率先上枱。上菜時店員提醒鍋邊扶手都會好熱，要小心;之後開始食時有位店員開定濕紙巾俾我哋，話食海鮮時整污糟可以方便抹手，好貼心。西班牙海鮮炒飯包括有蝦、青口同蜆，每樣海鮮都好鮮甜，只係食其中一隻蜆時有好多沙。炒飯吸收哂以上海鮮嘅精華，食每一啖除咗有蕃茄味外，仲有唔少海鮮嘅鮮味，如果飯量可以更多就好喇。
黑毛豬柳拼盤包括咗豬三個唔同嘅部位（每款店員都介紹過，但我已經忘記得一乾二淨😔)，喜歡食肉嘅壽星仔表示好好味好滿意，每款都烤得剛剛好，肉質鮮嫩且啖啖肉汁，無乜豬肉嘅羶味。
食咗咁多肉，當然要食下蔬菜平衡下，所以就食下西班牙雜菜串啦，依個係用碟上嘅，雜菜包括蕃茄、大菇、茄子、露筍、糯米粟、薯仔等等，蔬菜略為烤過，加以少量鹽同黑胡椒，不錯。糯米粟口感煙煙靭靭，感覺好特別。壽星仔嘅生日美食之旅就喺Alzina結束，主人公對於今日嘅美食表示相當滿意。
P.S Alzina每位店員都好細心同熱情
Post
