Video
Read full review
2018-07-02
6462 views
老公生日加上週年紀念這個特別日子梗要豪食一餐，千選萬揀終於選了這間Sushi Tokami, 之前見到電視節目介紹過，本身從來無食過廚師拍板，今次就豪食試試高級壽司的味道午餐分三款，分別有12/14/16貫，價錢分別是$800/$1000/$1200。我自己order食14貫, 老公生日就食16貫，三款Lunch set的12件基本壽司係一樣的，落單時可講明有邊類魚唔食，可改其他款式，只有16貫有海膽食。綠茶係用鹿兒島縣溫泉水99 泡製而成，非常清香既綠茶，淡淡茶香，侍應一見茶得一半就會加茶，服務很好。Omakase 正式開始坐在壽司枱前睇住師傅用心製作壽司，一件一件上，完全可以慢慢細心品嚐每一件壽司既鮮味，整件壽司和魚生會維持在正常溫度，不是冰冰的，師傅會用手背去試試魚生的溫度，到合適溫度先開始整，然後上給客人食。以下壽司是按次序上的牛鰍沒有特別驚喜，帶少量根。魷魚很鮮味，入口即溶。小肌用醋醃製過，師傅加左少少青檸汁，帶好輕微的酸味，好香魚油味，非常肥美。赤身很鮮甜，壽司飯混入了紅醋，飯粒軟硬適中我最喜愛之一係沙甸魚，魚油味很重，為免有腥味，師傅用醋同昆布先醃製過，師傅切開魚後，逐條
午餐分三款，分別有12/14/16貫，價錢分別是$800/$1000/$1200。我自己order食14貫, 老公生日就食16貫，三款Lunch set的12件基本壽司係一樣的，落單時可講明有邊類魚唔食，可改其他款式，只有16貫有海膽食。
綠茶係用鹿兒島縣溫泉水99 泡製而成，非常清香既綠茶，淡淡茶香，侍應一見茶得一半就會加茶，服務很好。
Omakase 正式開始坐在壽司枱前睇住師傅用心製作壽司，一件一件上，完全可以慢慢細心品嚐每一件壽司既鮮味，整件壽司和魚生會維持在正常溫度，不是冰冰的，師傅會用手背去試試魚生的溫度，到合適溫度先開始整，然後上給客人食。
以下壽司是按次序上的
牛鰍沒有特別驚喜，帶少量根。魷魚很鮮味，入口即溶。
小肌用醋醃製過，師傅加左少少青檸汁，帶好輕微的酸味，好香魚油味，非常肥美。
赤身很鮮甜，壽司飯混入了紅醋，飯粒軟硬適中
我最喜愛之一係沙甸魚，魚油味很重，為免有腥味，師傅用醋同昆布先醃製過，師傅切開魚後，逐條骨挑出來再用來製作壽司。
大蜆就無咩特別，象拔蚌都算鮮甜。
金目鯛食落似肥美既拖羅超好味
每件魚的魚油非常之香同豐富，一口過放入口，整個口腔充滿住魚油香，入口即溶到咁上下，師傅拎左板北海道產海膽出離，準備整海膽壽司。我自己本身只order左14貫set, 眼見海膽咁新鮮，立即轉軚要16貫set
北海道產海膽
110 views
0 likes
0 comments
咁靚海膽唔係唔食也每件海膽壽司都有三層海膽，最好用手食，因為實在太多海膽，先食左最上層先，之後一啖過放整件壽司入口，充滿住幸福既感覺，海膽非常之鮮甜，簡直一級享受
差不多進入尾聲，有海鰻壽司，外面燒到微脆，入面魚肉綿綿的最後有吞拿魚突先手卷，紫菜係非一般既紫菜，極之脆口同極濃海苔味，非常之特別，好唔捨得把它食完。
甜品係柚子味雪芭，甜度適中，柚子味清新之前訂枱講左慶祝生日，所以老公個甜品有d唔同，餐廳預先在碟上寫Happy Birthday, 有一球好好食既雲呢嗱味雪糕加一邊日本芒果，雪糕有雲呢嗱籽，芒果又香又甜，連甜品都非常滿意
這餐飯食左足足兩個多小時，完全唔覺食左咁耐，整餐飯除左味覺上滿足之外，視覺上都好滿足，見到師傅好認真同用心整每一件壽司，之後再每一件都會向客人介紹，魚生本身已經新鮮肥美，加上師傅用心製作，實在大滿足
Post
