Video
Read full review
2018-07-28
629 views
同老佛爺慶祝生日，又話要求海鮮餐，見到報紙有賣，價錢又幾ok，即刻上網睇食評，見到好多人都寫2人餐的「八道鮮味」的食評，評語都讚當日訂了7點3的枱，但7點已經入席，還未坐爆。我地一行8人，剛剛好揀「十一道風味」就啱數。未開席前，我地叫了前菜「手拍青瓜海蜇」（$48），「泡椒鳳爪」（$42），「蜜汁叉燒」（$108）。海蜇睇落好多，但其實得個面。叉燒半肥瘦，抵讚，但蜜汁甜左少少。每枱送橙汁或椰子水，我地揀了每樣半榨。乳豬半隻，真係好細，皮脆肉唔肥「白灼九節蝦」平均每人2隻，唔會好削，有肉地。「上湯龍蝦伊麵」個麵底好多，龍蝦一般，所以剩下成3分2。之後，好快就上「金粟海鮮湯」，基乎每碗都有粟米，中蝦，蜆肉。「xo粉絲肉蟹煲」上枱咋咋聲，轉來陣陣燶味。蟹肉唔太新鮮，但粉絲幾入味。「勁蒜蒸貴妃蚌」超大隻，我覺得成餐最好味「炸子雞」咸左啲，肥左啲，完全唔洗點豉油。「油鹽水浸花甲」都可以，但如果用豉椒炒的話，會更吸引。因為湯已經有蜆，用炒會有多元化啲。「椒鹽黃金吊桶」都幾大嚿粉，但都足料，有幾隻係完隻吊桶，但唔算好味。上菜突然超快，一碟接一碟，都食唔切。龍躉都幾鮮，是另一抵讚的餸菜。最後「金銀蛋浸
當日訂了7點3的枱，但7點已經入席，還未坐爆。我地一行8人，剛剛好揀「十一道風味」就啱數。未開席前，我地叫了前菜「手拍青瓜海蜇」（$48），「泡椒鳳爪」（$42），「蜜汁叉燒」（$108）。海蜇睇落好多，但其實得個面。叉燒半肥瘦，抵讚，但蜜汁甜左少少。
每枱送橙汁或椰子水，我地揀了每樣半榨。
乳豬半隻，真係好細，皮脆肉唔肥
「白灼九節蝦」平均每人2隻，唔會好削，有肉地。
「上湯龍蝦伊麵」個麵底好多，龍蝦一般，所以剩下成3分2。
之後，好快就上「金粟海鮮湯」，基乎每碗都有粟米，中蝦，蜆肉。
「xo粉絲肉蟹煲」上枱咋咋聲，轉來陣陣燶味。蟹肉唔太新鮮，但粉絲幾入味。
「勁蒜蒸貴妃蚌」超大隻，我覺得成餐最好味
「炸子雞」咸左啲，肥左啲，完全唔洗點豉油。
「油鹽水浸花甲」都可以，但如果用豉椒炒的話，會更吸引。因為湯已經有蜆，用炒會有多元化啲。
「椒鹽黃金吊桶」都幾大嚿粉，但都足料，有幾隻係完隻吊桶，但唔算好味。
上菜突然超快，一碟接一碟，都食唔切。龍躉都幾鮮，是另一抵讚的餸菜。
最後「金銀蛋浸菜苗」，由於係小棠菜關係，冇人吼😂
大家都食得飽晒，原先包的炒飯，我地都冇要到。見到隔離枱，有啲都自備餐盒，打包拎走。睇來都可能來慣來熟🤣
甜品就有椰汁糕，不過就冇咩椰味，似乎淡過頭。
不過如果想食優質海鮮餐，都係去西貢會好啲，今餐就經濟點，頂住當先!
Post
