Video
Read full review
2007-09-10
12 views
第二個食評。話說尋日係小弟生日，阿媽諗住近近地食餐飯算，就book左呢間位於坑口村既Lardos。一埋位就送上沙律同埋餐包，OK啦。我自己本身勁鍾意食Burger，二話不說就叫左個Black Angus Burger，塊Patty要Medium Rare，跟焗薯，焗薯Toppings上齊。阿媽要左個羊架，Medium Rare，又係跟焗薯，齊Toppings。細妹食唔到太多野，淨係要左個炸芝士，阿媽話唔夠，再要多個炸物併盤(有炸洋蔥，炸魷魚圈，Fish & Chips)，野飲我兩兄妹每人要左杯Lime Soda，阿媽要左杯紅酒，但係乜酒我就真係唔清楚喇。囧rz十幾分鍾後，炸物送到。我試勻咁多樣野，覺得炸魷魚圈同埋炸洋蔥最好食，細妹就係咁食碟炸芝士。岩岩好食哂盤炸物，Main Course就送上，真準時我先食個焗薯，我加哂所有Toppings(蔥花，Sour Cream，Parmesan同埋煙肉碎)落去，嘩！熱辣辣既薯仔令Parmesan溶化，加上凍凍地既Sour cream，溫度夾得岩岩好。咁多樣Toppings加埋一齊，口感好到唔識講。食左半個焗薯，大鑊，開始飽添，就即刻收口，食個B
話說尋日係小弟生日，阿媽諗住近近地食餐飯算，就book左呢間位於坑口村既Lardos。
一埋位就送上沙律同埋餐包，OK啦。
我自己本身勁鍾意食Burger，二話不說就叫左個Black Angus Burger，塊Patty要Medium Rare，跟焗薯，焗薯Toppings上齊。
阿媽要左個羊架，Medium Rare，又係跟焗薯，齊Toppings。
細妹食唔到太多野，淨係要左個炸芝士，阿媽話唔夠，再要多個炸物併盤(有炸洋蔥，炸魷魚圈，Fish & Chips)，野飲我兩兄妹每人要左杯Lime Soda，阿媽要左杯紅酒，但係乜酒我就真係唔清楚喇。囧rz
十幾分鍾後，炸物送到。我試勻咁多樣野，覺得炸魷魚圈同埋炸洋蔥最好食，細妹就係咁食碟炸芝士。
岩岩好食哂盤炸物，Main Course就送上，真準時
我先食個焗薯，我加哂所有Toppings(蔥花，Sour Cream，Parmesan同埋煙肉碎)落去，嘩！熱辣辣既薯仔令Parmesan溶化，加上凍凍地既Sour cream，溫度夾得岩岩好。咁多樣Toppings加埋一齊，口感好到唔識講。
食左半個焗薯，大鑊，開始飽添，就即刻收口，食個Burger。個Burger既包係用好似麥記豬柳漢堡果種English Muffin，我唔多鍾意。個包有好多料，塊Patty都好大舊，冇記錯仲大過Main St. Deli.既Ultimate 54 Burger。
大舊又點，舊Patty好明顯係Overdone，同我order既Medium Rare差好多，起碼有八九成熟。叫落冇乜汁，預左，咁熟仲有汁咩？同埋D肉好散，食食下成散哂舊Patty解體，我索性食哂個包同埋其他料，再用叉就咁食D肉碎！
好彩一早我切開左一半，成個食都唔知點算。
最後食剩半個薯仔同埋薯個包就唔要，俾個Waitress包起佢。阿媽就俾左少少羊架我試，加上Mint Jelly真係好正！
食完Main Course，我都飽到唔想要甜品。阿媽淨淨雞同個Waitress Order左一個Chocolate Bomb Cake做「生日蛋糕」，真係好驚喜。更驚喜既係，呢個蛋糕入面有軟心朱古力，熱辣辣，口感好好。隔離有兩個朱古力雪糕球，我食雪糕只會食XTC同埋Cova，冇估到佢地會用XTC雪糕，所以俾左阿媽食。阿媽食完，個Waitress問我做乜唔食，我話我淨係食XTC同埋Cova既Gelato，佢先話呢D係XTC Gelato黎！激死囧
總括黎講，除左個Burger之外，其他野食都好好食，服務都好好。
Post