靚煲皇 (Closed)

前幾日老豆🧓🏻生日 🎂 仲喺度諗緊去邊度食下好嘢慶祝下🍻 呢幾排天氣凍咗 就打開OpenRice睇下有咩打邊爐推介 就見到靚煲皇 呢個名幾得意 入面啲食評都好高分 所以喺個app上面訂咗枱老豆一坐低就叫左幾支啤酒 🤣 開始點嘢食 冇咩諗頭 就問下店員有咩推介 佢都好耐心咁樣同我地講 我哋叫咗個生招牌靚煲皇湯底 唔係講笑 入面啲材料好豐富 扇貝好似我個手掌咁大叫左炸午餐肉 炸魚皮 因為新鮮即炸 配啤酒一流👍🏻 再叫個手切肥牛 半隻雞 鴨血 什菌籃 脆鯇片 黑牛柏葉 再加多個四寶餃 所有食材都好新鮮🤤 四寶餃問店員係佢哋自己包架 大大隻！手切肥一定要試 超重牛味 唔叫返個等於冇嚟過 連老豆咁嘴刁都話下次同d朋友一齊嚟我地喺嗰度切埋蛋糕 唔記得拎蠟燭 好彩嘅係佢哋舖頭有 仲同埋我地一齊唱生日歌添 氣氛一流！下次會再嚟