稻菊日本餐廳 (Closed)

第3餐生日飯同朋友食鐵板燒慶祝，本來想試下和三味，但係太遲book位，所以去咗帝苑洒店嘅稻菊。我同朋友二人點了一個特级牛肉龍蝦套餐同一個大蝦帶子套餐share再加一個帶子刺身。帶子刺身好鮮甜，反而套餐嘅魚生刺身就感覺一般。前菜我最欣賞海螺同埋魚卷，味道好清新。食完刺身同前菜，鐵板燒師父開始燒龍蝦同大蝦，我睇到隻龍蝦起度掙扎，有啲唔忍心，師父見到即刻囉個蓋”cup”住佢，龍蝦起肉後，個身可以揀用清湯或面豉煮湯。龍蝦味道爽甜，大蝦就有羔，但當然唔及龍蝦新鮮，所以師父建議我哋點類似茄汁嘅醬。跟住就到帶子出塲，師父落咗一啲洒去燒，但係我都係比較鍾意生食帶子多啲，煮熟後嘅質感無咁好！牛肉我哋揀咗五成熟要薄燒，師父用牛肉卷住啲蒜片一齊燒，可惜師父失手，啲牛肉燒得過熟，雖然入口未至於韌，但係已經影響口感！其餘嘅炒飯同野菜都一般啦，因為已經食得太飽，所以啲炒飯只係食咗幾啖，但係好似淡咗啲！套餐最後可以揀要生果或者雪糕，我揀咗生果，我朋友揀咗红豆雪糕，朋友嘅雪糕好好食，我忍唔住食咗幾啖，不過我嘅生果都有一件好好味嘅红豆糕！呢餐食物總括可以比75分(牛肉過老扣咗5分)，服務有80分，環境都有80分，不過價