Video
Read full review
2012-11-18
294 views
外母生日係呢度食生日飯，我自己第一次嚟所以感覺新鮮頭盤整體唔錯無錫脆鱔， 好脆好好味，我一個人差唔多食咗半碟。放涼咗都仲好脆醉鴿， 冇乜骨嘅，肉幾滑，D酒味mild但又好夾，正。燻蛋， 已加咗少少鹽係上面，我覺得好過留園雅敘鎮江肴肉，正常龍井河蝦仁， 幾飽滿，唔錯有茶葉香熱食開始出事叉子燒餅跟(可能係)牛柳粒我塞滿哂個燒餅，但實在食唔出係乜嘢嚟，因為根本係冇任何味道嘅。最後我塞咗D XO醬入去食埋果半件 釀蟹蓋係唔錯，食咗一半後我加咗D醋入去之後就忽然感覺似食緊賽膀蟹，證明我爛泥扶唔上柄哈哈~我太太兩個妹竟然可以每人食兩個，勁松子魚個樣好靚，個汁酸甜味幾好。肉頗厚但食入口時感覺D肉奇怪地粗鞋，唔滑亦冇魚味擔擔麵，食到呢度已經八成飽。諗住叫碗擔擔麵試吓，誰知就賴野喇見圖，我事後回想，如果餐飯唔係同外母食生日飯怕玩寸嘅話，我一定唔會接受並Cancel 呢碗$46嘅擔擔麵。水汪汪咁唔知似乜，外父仲懷疑個廚可能落漏咗D麻醬。夾咗兩夾已經食完...麵嘅份量少得離奇，好在外母知我大食冇Share嚟試吓。麵質偏腍，D湯唔太香辣而且頗稀，所以根本唔係太掛到湯。外家話之前食過都唔係咁。冇叫甜品因為有生日
頭盤整體唔錯
無錫脆鱔， 好脆好好味，我一個人差唔多食咗半碟。放涼咗都仲好脆
醉鴿， 冇乜骨嘅，肉幾滑，D酒味mild但又好夾，正。
燻蛋， 已加咗少少鹽係上面，我覺得好過留園雅敘
鎮江肴肉，正常
龍井河蝦仁， 幾飽滿，唔錯有茶葉香
熱食開始出事
叉子燒餅跟(可能係)牛柳粒
我塞滿哂個燒餅，但實在食唔出係乜嘢嚟，因為根本係冇任何味道嘅。
最後我塞咗D XO醬入去食埋果半件
釀蟹蓋係唔錯，食咗一半後我加咗D醋入去之後就忽然感覺似食緊賽膀蟹，
證明我爛泥扶唔上柄哈哈~
我太太兩個妹竟然可以每人食兩個，勁
松子魚個樣好靚，個汁酸甜味幾好。
肉頗厚但食入口時感覺D肉奇怪地粗鞋，唔滑亦冇魚味
擔擔麵，食到呢度已經八成飽。
諗住叫碗擔擔麵試吓，誰知就賴野喇
見圖，我事後回想，如果餐飯唔係同外母食生日飯怕玩寸嘅話，我一定唔會接受並Cancel 呢碗$46嘅擔擔麵。
水汪汪咁唔知似乜，外父仲懷疑個廚可能落漏咗D麻醬。
夾咗兩夾已經食完...麵嘅份量少得離奇，好在外母知我大食冇Share嚟試吓。
麵質偏腍，D湯唔太香辣而且頗稀，所以根本唔係太掛到湯。
外家話之前食過都唔係咁。
冇叫甜品因為有生日蛋糕
整體OK但參差，尤其係幾樣熱食。
Post
