天池日式放題 (Closed)

小妹臨近生日家人一齊慶祝，見好耐冇食過放題，而爸媽又鍾意食日本野，一於放肆一下😆 一行6大人1bb，安排左足足可以坐8個大人既卡位俾我地🥰可以擺袋仲有位淨🥰值得欣賞餐廳用手機落單，夠方便有圖有字，操作簡單，爸媽一用就上手，慳返好多紙又唔怕漏單，又可以隨時check返自己落過啲咩，讚！👍🏻發覺鍾意食既野都喺升級菜單入面，如焗蠔、焗扇貝、羊鞍、赤蝦、油甘魚等等，所以一致決定升級😋最愛焗蠔，有啲似生蠔既味道，另外其他野食都不錯，刺身、壽司、芝士年糕、天婦羅🍤，個個都食到捧住個肚走🤣